Qazaq elindegi Ózbek kınosynyń kúnderi aıaqtaldy
Búgin Nur-Sultan qalasyndaǵy Q. Qýanyshbaev atyndaǵy memlekettik akademıalyq qazaq mýzykalyq drama teatrynda Qazaqstandaǵy Ózbek kınosy kúnderiniń jabylý saltanaty ótti, dep habarlaıdy Almaty-akshamy.kz
İs-shara barysynda úsh kún boıy qazaqstandyq kórermender nazaryna Ózbekstan kınosynyń zamanaýı týyndylary usynyldy. Sonymen qatar ózbek fılmderi kınoteatrlarda ǵana emes, respýblıkalyq telearnalarda da kórsetildi.
Ózbek kınosy kúnderi aıasynda Qazaqstan men Ózbekstan arasynda kınematografıa salasy boıynsha qarym-qatynas pen tájirıbe almasý maqsatyndaǵy ekijaqty memorandýmǵa qol qoıyldy. Sondaı-aq eki jaqty birlesken kınojobalar josparlandy.
«Ózbekkıno» agenttigi tapsyrysy boıynsha taspalanǵan rejıser Hılol Nasımovtyń «Meros» kórkem fılmi, Sh. Mahmýdovtyń «Abaı» derekti fılmi, Jahongır Qasymovtyń «Ibrat» syndy birqatar kórkem fılmderi kórsetildi.
Ózbek kınosy kúnderiniń jabylý saltanatyna Ózbekstan Respýblıkasynyń Qazaqstandaǵy Tótenshe jáne Ókiletti Elshisi Saıdıkram Nıazhodjaev qatysyp, eki eldiń kınematografısterine yntymaqtastyq pen aldaǵy jumystaryna sáttilik tiledi.