Onyń aıtýynsha, otandyq taekvondoshylar halyqaralyq arenada laıyqty nátıje kórsetti.
Federasıanyń resmı saıtynyń málimetinshe, Vácheslav Kım bul sheshimge QTF prezıdenti retindegi jumysy kezinde qol jetkizilgen barlyq jetistikterdi uzaq oılaý jáne baǵalaý nátıjesinde kelgen, dep habarlaıdy aqshamnews.kz
"2013 jyly taekvondo federasıasynyń basshylyǵyna taǵaıyndalǵanda meniń basty maqsatym – osy sport túrin elimizde damytyp, tanymal etý boldy. Osy jyldar ishinde biz birge eleýli tabystarǵa qol jetkizgenimizdi maqtanyshpen aıta alamyn. Kún saıyn QTF ujymy men sportshylarymyzdyń ósip-órkendeýine jaǵdaı jasaý maqsatynda jumys istedim. Bizdiń joǵary deńgeıdegi týrnırlerdi ótkizýge áleýetimiz de, múmkindigimiz de bar, bul jol óz jalǵasyn tabady dep senemin. Búgin estafetany tapsyra otyryp, osy jolda menimen birgen bolǵan barlyq áriptesterime, sportshylarǵa, jattyqtyrýshylar jáne bizdi qoldaǵan árbir adamǵa alǵysymdy bildirgim keledi. Bul jol jalǵasyn taýyp, kún saıyn jańa jeńister ákelsin", -delingen eks-basshynyń málimdemesinde.