Aqparatty Qazaqstan boks federasıasy taratty.
Qaırat Sátjanov bokstan ulttyq quramanyń bas bapkeri bolyp taǵaıyndaldy, dep habarlaıdy aqshamnews.kz
Qaırat Tursunqanuly Sátjanov - 54 jasta, Qazaqstan Respýblıkasynyń bokstan eńbek sińirgen jattyqtyrýshysy, Qazaqstan Respýblıkasynyń dene shynyqtyrý jáne sport úzdigi. Bapkerlik eńbek ótili - 34 jyl. 2021-2022 jyldary Qazaqstan ulttyq quramasynyń bas bapkeri qyzmetin atqarǵan. 2024 jyldan Qazaqstan jastar quramasynyń aǵa bapkeri.
Sátjanovtyń jetekshiligimen 2021 jyly Qazaqstan quramasy álem chempıonatynda (Serbıa) II komandalyq oryn (2 altyn, 2 kúmis, 1 qola medal) aldy.
2022 jyly Azıa chempıonatynda (Iordanıa) İİ komandalyq oryn (3 altyn, 6 kúmis, 3 qola) enshilegen.
2024 jyly Astanada ótken jastar arasyndaǵy Azıa chempıonatynda Qazaqstan komandasy I komandalyq oryn (5 altyn, 1 kúmis, 3 qola) aldy.
Qaırat Sátjanov jattyqtyrýshy retinde 7 álem chempıonyn, 43 Azıa chempıonyn daıyndaǵan.
Qazirgi ýaqytta jańa jattyqtyrýshylar quramy qurylýda, onyń ishinde: sheteldik jattyqtyrýshy maman, jalpy dene daıarlyǵy boıynsha jattyqtyrýshy, sondaı-aq ǵylymı top mamandary shaqyrylady.
Sonymen qatar, bas jattyqtyrýshynyń jeke shákirti bolmaıdy degen talap engizildi.