Eki óńirde aptap ystyq bolady.
"Qazgıdromet" RMK búgin Qazaqstanda aýa raıy qandaı bolatynyn aıtty, dep habarlaıdy aqshamnews.kz
Boljamǵa sáıkes, soltústik-batys sıklonynyń yqpalynan Qazaqstannyń basym bóliginde turaqsyz aýa raıy sıpaty saqtalady: naızaǵaı oınap, burshaq túsedi, qatty jel turyp, jańbyr jaýady, elimizdiń soltústik-batysynda qatty jańbyr jaýady dep kútiledi.
"Respýblıka boıynsha ortaq tabıǵı qubylys - jeldiń ekpin alýy. Elimizdiń soltústik-batysynda tuman túsedi, kúndiz Almaty jáne Jetisý oblystarynda qatty ystyq saqtalady dep boljanady", delingen "Qazgıdromet" RMK usynǵan aqparatta.
Sondaı-aq, sınoptıkter Atyraý, Abaı oblystarynda, Ulytaý óńiriniń soltústiginde, Jetisý oblysynyń shyǵysynda, Batys Qazaqstan oblysynyń ońtústiginde, shyǵysynda, ortalyǵynda, Mańǵystaý oblysynyń batysynda, ońtústik-shyǵysynda, Almaty oblysynyń ońtústik bóliginde órt qaýpi joǵary bolatynyn aıtty.
Mańǵystaý, Qyzylorda, Túrkistan, Almaty, Jambyl, Jetisý oblystarynda, Atyraý óńiriniń ońtústik-batysynda, soltústik-shyǵysynda, Shyǵys Qazaqstan oblysynyń ońtústiginde, ortalyǵynda, Qaraǵandy óńiriniń shyǵysynda, ońtústiginde, Ulytaý oblysynyń ońtústiginde, Abaı oblysynyń batysynda, soltústik-batysynda, ońtústiginde tótenshe órt qaýpi saqtalady.