Elimiz úshin óte mańyzdy qadam.
Eýropa Keńesi Qazaqstandy Sybaılas jemqorlyqqa qarsy memleketter tobyna qosylýǵa shaqyrdy. Bul týraly Sybaılas jemqorlyqqa qarsy is-qımyl agenttiginiń tóraǵasy Oljas Bektenov vedomstvonyń alqa otyrysynda aıtty, dep habarlaıdy Almaty-akshamy.kz Egemen.kz silteme jasap.
«Shetelge zańsyz shyǵarylǵan qarajat pen múlikti elge qaıtarý úshin halyqaralyq yntymaqtastyqty kúsheıtý kerek. Taıaýda Eýropa keńesinen Qazaqstanǵa eýropalyq Sybaılas jemqorlyq úshin qylmystyq jaýapkershilik týraly konvensıaǵa qosylý jóninde resmı shaqyrý haty keldi. Endi konvensıaǵa qosylý úshin qajetti prosedýralardy qolǵa alamyz. Bul konvensıa shetelden korrýpsıonerler men urlanǵan aktıvterdi qaıtarý jolyndaǵy múmkindikterimizdi keńeıtedi», - dedi ANTIKOR basshysy.
Onyń aıtýynsha, Eýropa keńesiniń Sybaılas jemqorlyqqa qarsy memleketter tobynyń múshesi bolý - elimiz úshin óte mańyzdy qadam.
«GREKO-nyń tolyqqandy qatysýshysy retinde alǵashqy monıtorıńtik raýndtar sheńberinde bizge berilgen 27 usynymyn oryndap jatyrmyz. Eýropa standarttaryna saı bolý úshin biz sot júıesiniń tolyqqandy táýelsizdigin, tıisti qoǵamdyq baqylaýdy qamtamasyz etýge, derekterge qoljetimdilikti keńeıte otyryp, sybaılas jemqorlyqqa qarsy organnyń mártebesin kúsheıtýge tıispiz. Bul baǵyttaǵy jumystar jalǵasyp jatyr», - dedi agenttik tóraǵasy.