KVI-dyń taralý qarqyny boıynsha qala «sary» aımaqta tur.
Almatyda vıse-premer Eraly Toǵjanov COVID-19-dyń qazirgi ahýalymen tanysty, dep habarlaıdy Almaty-akshamy.kz QazAqparatqa silteme jasap.
Almaty qalasy ákimniń orynbasary Ásem Núsipovanyń aıtýynsha, 7 shildedegi jaǵdaı boıynsha Almatyda KVI juqtyrýdyń 239 841 jaǵdaıy tirkeldi. Stasıonarlarda 87 pasıent emdelýde, onyń 2-i reanımasıa bóliminde. Ambýlatorıalyq baqylaýda 834 adam bar.
Almaty qalasynyń bas sandárigeri Qasymhan Alpysbaıuly KVI-dyń taralý qarqyny boıynsha qala «sary» aımaqta turǵanyn jetkizdi. Onyń aıtýynsha, kóktemniń basy men orta sheginde aýrý kórsetkishteriniń tómendeýinen keıin qaıta joǵarylaý tendensıasy baıqalýda. Osylaısha, aýrýǵa shaldyǵý derekteriniń ósýi 0,2% - ke deıin ósti, taralý koefısıenti 1-den joǵary. Juqtyrý oshaqtarynyń eń kóp sany Bostandyq, Almaly, Alataý, Bostandyq jáne Medeý aýdandarynyń aýmaǵynda ornalasqan.
Infeksıanyń ósý sebepteri men kózderi - qoǵamdyq oryndarǵa barý, úı oshaqtaryndaǵy, qalalyq kóliktegi, jumys ornyndaǵy baılanystar, sondaı-aq vaksınasıa men revaksınasıa qarqynynyń tómendeýi bolyp otyr.
Turǵyndar arasynda indetke shaldyǵý derekterin azaıtý maqsatynda qala ákimdigi vaksınasıa men revaksınasıa, naýqastardy oqshaýlaý barysyn baqylaý, negizgi aldyn alý erejelerin saqtaý qajettiligi týraly halyqpen túsindirý jumystaryn kúsheıtý boıynsha birqatar sharalar qabyldady.
Sonymen qatar pandemıanyń jańa tolqynyna Almatyda barlyǵy 7 000 tósek-oryndyq, onyń ishinde 250 reanımasıalyq oryndyq 23 kovıdtik klınıka daıyndaldy.
Medısınalyq qoǵamdastyq ókilderimen keńes barysynda KVI-diń aldyn alý máseleleri qaraldy.
Premer-Mınıstrdiń orynbasary Eraly Toǵjanov qalada syrqattanýshylyqtyń ósý jaǵdaılaryna, sondaı-aq MSAK jumysyn úılestirýdiń, vaksınasıa men revaksınasıany uıymdastyrýdyń mańyzdylyǵyna, Almaty qalasynyń densaýlyq saqtaý júıesiniń koronavırýs ınfeksıasy aýrýshańdyǵynyń kezekti yqtımal órshýine daıyndyq deńgeıine nazar aýdardy.
«Búgin qoıylǵan mindetterdi qalanyń bas memlekettik sanıtarıalyq dárigerimen birlesip taldap, koronavırýs ınfeksıasynyń aldyn alý jáne taralýyna jol bermeý boıynsha qajetti sharalar qabyldaýdy suraımyn», - dep atap ótti Eraly Toǵjanov.
Keńes sońynda vıse-premer qala basshylyǵyna COVID-19-ǵa qarsy ımmýndaý naýqanyn kúsheıtýdi tapsyrdy. Sondaı-aq, halyq arasynda sapaly túsindirý jumystaryn júrgizýdi kúsheıtý qajettigin atap ótti.