Qazaqstan Respýblıkasy Premer-Mınıstriniń orynbasary – Syrtqy ister mınıstri Murat Nurtileý Eýropadaǵy qaýipsizdik jáne yntymaqtastyq uıymynyń (EQYU) Syrtqy ister mınıstrleri keńesiniń 31-shi otyrysynyń sheńberinde Armenıanyń Cyrtqy ister mınıstri Ararat Mırzoıanmen, Aýstrıanyń Syrtqy ister mınıstri Aleksandr Shallenbergpen, Kıprdiń Syrtqy ister mınıstri Konstantınos Kombospen jáne Eýropalyq Odaqtyń Syrtqy ister jáne qaýipsizdik saıasaty jónindegi ókili Kaıa Kallaspen kezdesýler ótkizdi, dep habarlaıdy aqshamnews.kz Syrtqy ister mınıstrligine silteme jasap.
Kelissózder barysynda saıası dıalogty tereńdetý, ózara saýda kólemin arttyrý jáne mádenı-gýmanıtarlyq yntymaqtastyqty damytý boıynsha ekijaqty ózara is-qımyldyń basym máseleleri talqylandy. Taraptar ornyqty damý men ózara tıimdi yntymaqtastyqqa baǵyttalǵan ekonomıkalyq áriptestikti odan ári nyǵaıtýdyń mańyzdylyǵyn atap ótti.
Kezdesýde K.Kallas Memleket basshysy Qasym-Jomart Toqaevtyń bastamasymen elimizde júrgizilip jatqan jáne el azamattarynyń ál-aýqatyn arttyrýǵa baǵyttalǵan saıası jáne áleýmettik-ekonomıkalyq reformalarǵa Eýropalyq Odaq tarapynan berik qoldaýyn rastady.
Óz tarapynan Mınıstr M.Nurtileý Qazaqstan men Eýropalyq Odaq jáne onyń múshe memleketteri arasyndaǵy Keńeıtilgen áriptestik pen yntymaqtastyq týraly kelisim sheńberinde ózara tıimdi kópjaqty Qazaqstan-Eýropa qatynastaryn odan ári damytýǵa daıyn ekenin bildirdi
Kezdesýlerdiń qorytyndysy taraptardyń strategıalyq áriptestikti nyǵaıtýǵa jáne ózekti syn-qaterler boıynsha sheshimderdi birlesip izdeýge degen ózara qyzyǵýshylyǵyn rastady.