Qazirgi tańda proaktıvti túrde 40 memlekettik qyzmet kórsetilýde
Qazaqstan BUU elektrondy úkimettiń damý ındeksi boıynsha 28 orynda. Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın osylaı dep málim etti, dep habarlaıdy Almaty-akshamy.kz Baq.kz-ke silteme jasap.
Ol mınıstrliktiń jumysy birneshe baǵytty qamtıtynyn atap ótti. Olar - memlekettik qyzmet kórsetýdi jetildirý, baılanys salasyn damytý jáne aqparattyq tehnologıalar men ınovasıany damytý men ǵarysh salasyn ilgeriletý.
- Birinshi strategıalyq baǵyt boıynsha azamattar úshin biz proaktıvti formatta adam qajettiligine baǵyttalǵan qyzmetti engizip jatyrmyz. Qazirgi tańda proaktıvti túrde 40 memlekettik qyzmet kórsetilýde. 15 memlekettik qyzmet syrtqy platformalarǵa shyǵaryldy, 20 sıfrlyq qujat 7,5 mln ret qoldanyldy. Osy jobalardyń arqasynda bizdiń elimiz BUU elektrondy Úkimettiń damý ındeksi boıynsha 28 oryndy ıelenip otyr.Onymen qosa, sıfrlyq qyzmetter , ıaǵnı sýbındeks boıynsha segizinshi oryndamyz, - dedi Baǵdat Mýsın.