Fınaldyq báseke senbi, 28 qańtar, kúni ótedi
Qazaqstannyń birinshi raketkasy Elena Rybakınanyń Aýstralıa ashyq chempıonaty fınalyndaǵy qarsylasy anyqtaldy, dep habarlaıdy Almaty-akshamy.kz QazAqparatqa silteme jasap.
Ekinshi jartylaı fınalda álemniń 5-raketkasy, Belarýs ókili Arına Sobolenko dúnıejúzilik reıtıńide 45-orynda turǵan polák qyzy Magda Lınetti 7:6 (7:1), 6:2 esebimen tize búktirdi.
Bir jarym saǵattan astam ýaqytqa sozylǵan machta A. Sobolenko 6 eıs jasap, 7 breık-poınttyń úsheýin paıdalana bildi. Qarsylasy 1 eıs, 1 breıkpen shekteldi.
Osylaısha, belarýs tenısshisi óziniń sporttyq jolynda alǵash ret «Úlken dýlyǵa» týrnıriniń fınalyna shyqty.
Osyǵan deıin E. Rybakına men A. Sobolenko tórt ret kezdesken, esep – 3:1, belarýs sportshysynyń paıdasynda. Biraq, barlyq kezdesý de tartysty ótip, úsh setpen aıaqtalǵan.
Fınaldyq báseke senbi, 28 qańtar kúni ótedi.
Eske sala keteıik, budan buryn Elena Rybakınanyń Aýstralıa ashyq chempıonatynyń fınalyna alǵash ret shyqqanyn jazǵan bolatynbyz.
Sondaı-aq, fınalǵa shyqqan Elena Rybakına 1 mln astam dollar tabys tapty.
Elena Rybakına alǵash ret álemdik reıtıńte úzdik ondyqqa enedi.