Jerdi qashyqtan zondtaýdyń ǵaryshtyq júıesi quryldy jáne ol sátti paıdalanylyp jatyr.
«Qazaqstan Ǵarysh Sapary» UK» AQ tóraǵasy Aıdyn Aıymbetov uıymnyń sońǵy jyldardaǵy jetistikterin aıtyp berdi, dep habarlaıdy Almaty-akshamy.kz QazAqparatqa silteme jasap.
«Ulttyq kompanıa ǵarysh salasynda 17 jyldan beri tabysty jumys istep keledi jáne Jerdi qashyqtan zondtaýdyń jáne joǵary dáldiktegi spýtnıktik navıgasıa júıesiniń ulttyq operatory bolyp sanalady. Jerdi qashyqtan zondtaýdyń ǵaryshtyq júıesi quryldy jáne ol sátti paıdalanylyp jatyr. Ulttyq ǵarysh ortalyǵy bazasynda jerdegi ǵaryshtyq ınfraqurylym quryldy, onyń aýmaǵyndaǵy basqarý ortalyqtarynan úsh ǵarysh apparatyn (KazEOSat1; KazEOSat2; KazSTSat) basqarady jáne túsirilimderdi josparlaý jáne klıentterdiń tapsyrystary óńdeledi», - dedi Aıdyn Aıymbetov Sıfrlyq damý, ınovasıalar jáne aeroǵarysh ónerkásibi mınıstrliginiń keńeıtilgen alqa otyrysynda.
Onyń aıtýynsha, uıym Qazaqstan Respýblıkasynyń aýmaǵyn qashyqtan zondtaý arqyly táýlik boıy monıtorıń júrgizedi. Qazaqstan Respýblıkasynyń memlekettik organdary úshin geoportaldar qurylǵan jáne paıdalanýǵa berilgen.
Sondaı-aq, jaqyn arada ǵarysh apparattaryn qurastyrý-synaý kesheni ónerkásiptik paıdalanýǵa beriledi.
Aıta keteıik, elordada Sıfrlyq damý, ınovasıalar jáne aeroǵarysh ónerkásibi mınıstrliginiń keńeıtilgen alqa otyrysy ótti, onda mınıstrlik jetekshilik etetin baǵyttardaǵy jumystyń qorytyndylary men basymdyqtary talqylandy.