«Qazaqstan» shahtasyndaǵy apat úshin jaýapty tulǵa 7 jylǵa deıin túrmege qamalýy múmkin.
Bul týraly Eńbek jáne halyqty áleýmettik qorǵaý mınıstrligi Eńbek jáne áleýmettik qorǵaý komıtetiniń tóraǵasy Tólegen Ospanqulov aıtty, dep habarlaıdy Almaty-akshamy.kz.
«Bul toptyq qaıǵyly jaıt sanalady. Qylmystyq kodekske sáıkes, eger sot basshylyq shynymen de kináli dep tanysa, onda 7 jylǵa deıin qylmystyq jaýapkershilik qarastyrylǵan», - dedi ol Qaraǵandy óńirlik komýnıkasıalar qyzmeti alańyndaǵy brıfıńte.
Al Qaraǵandy oblysy ákiminiń birinshi orynbasary Vadım Basın jaýapkershilik deńgeıin sot aıqyndaıtynyna nazar aýdartty.
«Qaıǵyly jaıttyń sebepterin, qyzmetkerlerdiń ólimin tergeý aıaqtalǵannan keıin materıal sotqa beriledi jáne sot jaýapkershilikti aıqyndaıdy. Komısıa materıaldarynda qaýipsizdik tehnıkasyn, laýazymdyq nusqaýlyqty buzǵan tulǵanyń is-áreketteri kórsetiledi. Muny sot aıqyndaıtyn bolady», - dedi oblys ákiminiń birinshi orynbasary.