Týrnırge Rýslan Qurbanov, Vadım Sharlaımov, Erlik Sertaı men Elmır Álimjanov qatysty.
Grýzıanyń Tbılısı qalasynda semserlesýden ótip jatqan Álem kýbogynyń sheshýshi kezeńinde sapy jattyǵýy boıynsha Qazaqstan erler quramasy Olımpıadanyń joldamasyn jeńip aldy, dep habarlaıdy Almaty-akshamy.kz Týrızm jáne sport mınıstrligine silteme jasap.
Komandalyq joldamanyń arqasynda úsh sportshymyz birden jeke saıysta da Olımpıada júldesine talasady. Bul 1/8 fınalda Ońtústik Koreıa sportshylarynyń Chehıadan jeńilgenine baılanysty múmkin boldy.
Osylaısha, Qazaqstan quramasy jalpy reıtıńte TOP-4 memlekettiń qataryna kirip, tikeleı lısenzıa buıyrdy.
Buǵan deıingi Olımpıadalarda 1996 jyly 1/16 fınalda Vácheslav Grıgorev, 2012 jyly 1/16 fınalda Dmıtrıı Aleksanın, 1/8 fınalda Elmır Álimjanov, 2016 jyly 1/16 fınalda Ilá Mokresov, 2021 jyly 1/8 fınalda Rýslan Qurbanov óner kórsetken bolatyn.