Aıyppul sapasyz qyzmet úshin salynǵan.
Olar búdjetke 835 mln teńge aıyppul tóledi, dep habarlaıdy Almaty-akshamy.kz
Sıfrlyq damý, ınovasıalar jáne aeroǵarysh ónerkásibi mınıstrligi sapasyz qyzmet kórsetken uıaly baılanys operatorlaryna qansha teńge aıyppul salynǵanyn jarıalady.
«2019 jyly 51 tekserý júrgizilip, 10,8 mln teńge somasyna aıyppul salyndy. Al 2020 jyly tekserý sany 93-ke jetti. Salynǵan aıyppul kólemi - 23,9 mln teńge», - dep atap ótti vedomstvonyń baspasóz qyzmeti.
Mınıstrlik málim etkendeı, 2021 jyldyń qorytyndysynda 562 tekserý júrgizildi. Onyń barysynda 371 zań buzýshylyq anyqtaldy. Osyǵan oraı uıaly baılanys operatorlary 132 mln teńge aıyppul tóleýge májbúr boldy. 2022 jyly tekserý sany eselep artty. 1 175 tekserýdiń nátıjesinde operatorlarǵa 1 mlrd 670 mln teńge aıyppul salyndy. Degenmen uıaly operatorlarǵa jeńildikter berilip, olar búdjetke 835 mln teńge aıyppul tóledi.