2024 jylǵy 6 jeltoqsanda QR QM Memlekettik kirister komıteti tóraǵasynyń orynbasary Baqytjan Slámovtyń, QR Qytaı Halyq Respýblıkasyndaǵy elshiligi ókilderiniń, sondaı-aq Qazaqstan men Qytaıdyń óńirlik keden jáne shekara qyzmetteri basshylarynyń qatysýymen «Baqty» - «Pokıtý» ótkizý pýnktinde ýaqytsha jolaýshylar ótkeliniń ashylý saltanaty ótti, dep habarlaıdy aqshamnews.kz
Baqytjan Slámov óziniń quttyqtaý sózinde ýaqytsha jolaýshylar ótkeliniń ashylýy qazaqstan men qytaı óńirleri arasyndaǵy mádenı-gýmanıtarlyq, saýda jáne ekonomıkalyq almasýlar úshin jaǵdaılardy jaqsartýǵa baǵyttalǵanyn atap ótti.
İs-shara sheńberinde tóraǵa orynbasarynyń Tachen okrýginiń partkom hatshysy Chjı Sánveımen ekijaqty kezdesýi ótti, onda taraptar 2025 jyly «Baqty» - «Pokıtý» ótkizý pýnktiniń tolyq ashylý perspektıvalaryn talqylady. Kelissóz barysynda qazaqstan-qytaı shekarasyndaǵy úshinshi temirjol ótkeliniń qurylysy da qozǵaldy.
Sonymen qatar, kezdesýge qatysýshylar kedendik resimdeýdi udaıy jetildirý jáne osy ótkizý pýnktinde ótkizý múmkindigin arttyrý týraly ýaǵdalasty. Ashylý saltanaty ekijaqty qatynastardy odan ári damytý jáne qazaqstan men qytaı arasyndaǵy túrli salalardaǵy yntymaqtastyqty nyǵaıtý jolyndaǵy mańyzdy qadam boldy.