Qazaqstan Tótenshe jaǵdaılar mınıstrligi azamattardy demalys jáne mereke kúnderi qaýipsizdik sharalaryn saqtaýǵa shaqyrady.
Jappaı ótkiziletin is-sharalar men adamdardyń, ásirese qysta taza aýada demalý oqıǵalarynyń kóbeıýine baılanysty tótenshe jaǵdaılardyń aldyn alý mańyzdy, dep habarlaıdy aqshamnews.kz QR TJM-ne silteme jasap.
Aparattyq keńes barysynda Qazaqstannyń Tótenshe jaǵdaılar mınıstri general-maıor Shyńǵys Árinov vedomstvonyń aýmaqtyq bólimshelerine aldyn alý sharalaryn kúsheıtý jáne qaýipsizdikti qamtamasyz etý jóninde birqatar naqty tapsyrmalar berdi. Órt qaýipsizdigi, sýdaǵy, taýdaǵy qaýipsiz júris-turys jáne jol qozǵalysy erejelerin saqtaý máseleleri boıynsha azamattarmen túsindirme áńgimelesýge erekshe nazar aýdarylatyn bolady.
«Qaýipsizdik erejelerin saqtaý kóptegen oqıǵalardyń aldyn alady. Biz profılaktıkalyq jumysty kúsheıtip, azamattardy muqıat bolýǵa shaqyramyz», - dep TJM basshysy atap ótti.
2024 jylǵy 14 jeltoqsannan bastap TJM bólimsheleri TJ qaýpiniń joǵarylaýyna baılanysty qyzmettiń kúsheıtilgen rejımine kóshýde. Buǵan qosymsha reıdter, jappaı ótkiziletin is-sharalardy baqylaý jáne demalys oryndaryndaǵy qaýipsizdik kiredi. Sonymen qatar órt-taktıkalyq jattyǵýlar, bıznes obektileriniń qyzmetkerlerimen nusqamalar jáne usynymdar bere otyryp, komısıalyq tekserýler ótkiziletin bolady.
TJM azamattarǵa qaýipsizdiktiń negizgi erejelerin saqtaý qajettigin eskertedi:
Órt qaýipsizdigi: jylytý jáne elektr aspaptaryn paıdalaný kezinde abaı bolyńyz, balalardy qaraýsyz qaldyrmańyz, pırotehnıkany paıdalaný kezinde qaýipsizdik sharalaryn saqtańyz
Sýdaǵy qaýipsizdik: juqa muzǵa shyqpańyz, sý aıdyndarynda júris-turys erejelerin saqtańyz, balalardyń qaraýsyz sýdyń janynda bolýyna jol bermeńiz.
Taýdaǵy qaýipsizdik: tekserilgen jabdyqty paıdalanyńyz, tıisti daıyndyqsyz jáne marshrýtty bilmeı taý marshrýttaryna shyqpańyz.
Jol qaýipsizdigi: jol erejelerin saqtańyz, ásirese qysqy aýa-raıynda jáne kólikti basqarý kezinde muqıat bolyńyz.