Tekserý is-sharalardyń basym bóligi oblystyq ınjenerlik jumystar josparlary sheńberinde júzege asyrylatynyn anyqtady.
Josparlanǵan is-sharalardyń jalpy sany 1258, onyń ishinde 923-i nemese 73%-y oryndaldy, dep habarlaıdy aqshamnews.kz.
Máselen qorǵanys bógetteri men bilikterin salý jáne nyǵaıtý, sý burý arnalary men aryqtardy ornatý, nóser júıesin salý, sý ótkizý qurylystaryn jaılastyrý jáne aýystyrý, GTQ-ny aǵymdaǵy jóndeý jumystary jáne basqa aldyn alý is-sharalary júrgizilýde.
Qazirgi ýaqytta óńirlerde 275,1 km qorǵanys bógetteri men bilikteri turǵyzyldy, jóndeldi jáne nyǵaıtyldy, 92,07 km drenaj júıeleri jóndeldi jáne salyndy, avtomobıl jáne temir joldardyń astyna 518,65 km sý ótkizý qurylystary ornatyldy jáne aýystyryldy, 194,67 km kanaldar men 228,5 km aryqtar salyndy, 38 GTQ aǵymdaǵy jóndeý jumystary júzege asyryldy. Ózen arnalarynyń ýchaskelerinde 65,6 km jaǵalaýdy nyǵaıtý, 182,75 km túbin tereńdetý, 111,7 km túzetý, 166,6 km tazartý jumystary júrgizildi.
Qaraǵandy qalasynda uzyndyǵy 17 110 metr nóser júıesi qalpyna keltirildi, onyń ishinde 8420 metr jabyq, 8690 metr aryq júıesi. Ońtústik-SHyǵys shaǵyn aýdanynyń shetinde uzyndyǵy 2 shaqyrymnan asatyn aınalma arnany, 529 metr nóser kolektorlaryn ornatý jáne kishi Buqpa ózeniniń arnasyn tazartý jumystary jalǵasýda.
«Bul is-sharalar erigen qar sýynan týyndaǵan problemalardy barynsha azaıtýǵa múmkindik beredi», - dep Qaraǵandy oblysy TJD bastyǵy Marǵulan Amanbaev atap ótti.
Jetisý oblysynda Kóksý ózeniniń arnasyn jaǵalaýdy nyǵaıtý, túbin tereńdetý jáne túzetý jumystary júrgizilýde. Bul sharalar Balpyq bı jáne Qaratal aýyldaryn sý basý qaýpin boldyrmaýǵa, sondaı-aq «Almaty-Óskemen» respýblıkalyq mańyzy bar avtojol kópirin jýýǵa baǵyttalǵan.
«Bul joba 2025 jylǵy sý tasqyny kezeńine daıyndyqtyń mańyzdy qadamy bolyp tabylady, óńirdiń halqy men strategıalyq ınfraqurylymynyń qaýipsizdigin qamtamasyz etedi», - dep Jetisý oblysy TJD bastyǵy Nurlan Bekbosynov aıtty.
Osy baǵyttaǵy jumys jalǵastyrylatyn bolady.