Beıjiń Olımpıadasynda 109 medal sarapqa salynady
«Qazaqstan Ulttyq Olımpıada komıtetiniń Bas hatshysy Andreı Krúkov aqpan aıynda ótetin XXIV Qysqy Olımpıada oıyndaryna qansha qarajat bólingenin aıtty, dep habarlaıdy Almaty-akshamy.kz
«Beıjiń Olımpıadasyna 250 mln teńgege jýyq qarajat bólý josparlanǵan. Alaıda, budan da az soma – 220 mln teńge jumsalýy múmkin, óıtkeni uıymdastyrýshylar delegasıalardaǵy qatysýshylar sanyn qysqartyp jatyr», - dep túsindirdi Andreı Krúkov Ortalyq komýnıkasıalar qyzmetinde ótken baspasóz máslıhatynda.
Onyń aıtýynsha, Jazǵy Olımpıada qorytyndysy boıynsha sybaılas jemqorlyqqa qatysty júrgizilgen tekserýler UOK jumysynda qarajatty jymqyrý, maqsatsyz paıdalaný jáne osyǵan uqsas oqıǵalar bolmaǵanyn kórsetti.
«Keıbir prosedýralyq buzýshylyqtar bar jáne búrokratıalyq tustar anyqtaldy jáne sybaılas jemqorlyq syn-qaterlerin boldyrmaý úshin barlyǵy retteldi», - dedi A. Krúkov.
Aıta keteıik, XXIV Qysqy Olımpıada oıyndary Qytaıdyń Beıjiń qalasynda, 2022 jyldyń 4 men 20 aqpan aralyǵynda ótedi. Onda jalpy sany 109 medal sarapqa salynady.
Jarystar Beıjiń qalasynan bólek qasyndaǵy Iansın jáne Chjánszákoý qalalarynda da ótedi.