Qazaqstan quramasynyń oıynshylary Asqat Taǵybergen men Aslan Darabaev Danıaǵa qarsy mach kezinde orazany qalaı ustaǵanyn aıtyp berdi.
Bul týraly jartylaı qorǵaýshylar "DNK fýtbola" baǵdarlamasynda aıtty. Asqat Taǵybergenniń sózinshe, quramadaǵy jigitterdiń basym bóligi oraza ustaǵan, dep habarlaıdy Almaty-akshamy.kz.
Alaıda Danıamen bolatyn oıyn aldynda Asqat Taǵybergen, Baqtıer Zaınýtdınov, Abzal Beısebekov aýzyn ashyp jibergen. Óıtkeni olar machty negizgi quramnan bastady. Al Aslan Darabaev oıyn kezinde aýzy berik bolǵanyn jetkizdi.
"Danıamen oıynnyń 44-mınýtynda jigittermen otyryp, aýzymyzdy ashtyq. Jeti adam boldyq", - dedi jartylaı qorǵaýshy.
Aıta keteıik, Magomed Adıev jattyqtyratyn Qazaqstan quramasy naýryzda Eýro-2024 irikteý kezeńi aıasynda eki oıyn ótkizdi. Aldymen otandyq fýtbolshylar Slovenıaǵa (1:2) ese jiberse, ekinshi týrda Danıadan (3:2) basym túsip, sensasıa jasady.