Qazaqstan kúres federasıasynyń Bas hatshysy Dımash Sultanov Ortalyq komýnıkasıalar qyzmetinde ótken brıfıńte Astanada ótetin Azıa chempıonatynda Qazaqstan atynan shyǵatyn tájirıbeli balýandardy atady, dep habarlaıdy Almaty-akshamy.kz QazAqparatqa silteme jasap.
«Qazaqstan bul chempıonatqa kúrestiń úsh túrinen de tolyq quramdy komanda qosqaly otyr. Olardyń arasynda halyqaralyq arenada birneshe ret ózin tanytqan ataqty sportshylarymyz da bar. Grek-rım kúresinen Nursultan Tursynov, Demeý Jadyraev, Almat Kebispaevtar, erkin kúresten álem chempıonatanyń qazirgi qola júldegeri Azamat Dáýletbekov, áıelder arasynda Jámılá Baqbergenova, Elmıra Syzdyqova bar. Bulardyń bári – óte tájirıbeli sportshylar. Sondaı-aq, grek-rım kúresinen Álimhan Syzdyqov Azıa chempıony ataǵyn qorǵaıdy. Byltyr Monǵolıada ótken Azıa chempıonatynda jeńiske jetken bolatyn. Jalpy, búgingi tańda komandalar kele bastady. Halyqaralyq kúres federasıalarynyń ókilderi de kelip jatyr. Barshańyzdy 9 sáýir kúni saǵat 17.00-de ótetin ashylý saltanatyna shaqyramyz», - dedi Dımash Sultanov.
Sport jáne dene shynyqtyrý isteri komıteti tóraǵasynyń orynbasary Aıgúl Bektenova áıelder komandasynyń sapynda Elena Shalgınanyń da birinshilikte baq syınaıtynyn aıtty. Onyń málimeti boıynsha jarysta Qazaqstan atynan shyǵatyn 30 sportshynyń orta jasy mynandaı: grek-rım kúresinen – 29 jas, áıelder kúresinen – 25 jas jáne erkin kúresten – 24 jas.
Buǵan deıin balýandardyń bapkerlerine de syıaqy qarastyrylǵany týraly jazǵan bolatynbyz.