Elordadaǵy Qazaqstan jeńil atletıka sport kesheninde IX qysqy Azıa oıyndaryna Qazaqstan ulttyq quramasynyń sportshylaryn saltanatty shyǵaryp salý rásimi ótti.
Sary qurlyq básekesi 7-14 aqpan kúnderi Qytaı Halyq Respýblıkasynyń Harbın jáne Iabýlı qalalarynda ótedi, dep habarlaıdy aqshamnews.kz.
24.kz arnasynyń habarlaýynsha, Qazaqstan quramasynan Oıyndarǵa 137 sportshy qatysady. Olar 6 sport túrinen 10 dısıplınada (kónkımen júgirý sporty, short-trek, mánerlep syrǵanaý, bıatlon, kerlıng, shańǵy jarystary, taý shańǵysy, frıstaıl, skı-alpınızm, shaıbaly hokeı) óner kórsetedi. Ulttyq komanda 51 medal jıyntyǵyn sarapqa salady.