Internet alaıaqtyq.
Alaıaqtar KASE Qazaqstan qor bırjasynyń jalǵan veb-saıtyn jasap, brokerlerdiń atynan aqshalaryn tıimdi ınvestısıalaýdy usynyp jatyr, dep habarlaıdy Almaty-akshamy.kz Egemen.kz-ke silteme jasap.
KASE baspasóz qyzmetiniń málimetinshe, olar óz jarnalamalarynda KASE logotıpin nemese KASE qyzmetkerleriniń fotosýretterin paıdalanyp, jalǵan saıttar qurady. Jaqynda jelide paıda bolǵan jalǵan saıt: http://kasekz2022.tilda.ws
«Bırja azamattardy qyraǵy bolýǵa jáne qaskúnemderdiń qýlyqtaryna túspeýge shaqyrady. KASE resmı túrde Bırjanyń nemese onyń qyzmetkerleriniń tikeleı qatysýymen bırjalyq naryqtarda baǵaly qaǵazdardy nemese basqa aktıvterdi satyp alý úshin jeke nemese zańdy tulǵalarǵa eshqashan óz qyzmetterin usynbaıtynyn málimdeıdi», - delingen habarlamada.
Vedomstvo málimetinshe, KASE saýda-sattyqty uıymdastyrýshy bolyp sanalady jáne tek qarjy uıymdarymen (banktermen jáne brokerlik uıymdarmen) tikeleı ózara is-qımyl jasaıdy, olarǵa bırjanyń saýda-sattyq júıesine qosylýǵa, ótinimder berýge jáne mámileler jasaýǵa múmkindik beredi. Bırjanyń saýda-sattyq júıesine tikeleı qosyla alatyn jáne onda mámileler jasaı alatyn uıymdar - bırjanyń músheleri.
«Brokerlik uıymdarmen baılanysta bolǵan kezde abaı bolyńyz. Olar jeke ınvestorlarǵa qyzmet kórsetedi jáne jeke klıentterdiń atynan bırjanyń saýda-sattyq júıesinde operasıalar jasaı alatyn brokerlik uıymdar. Bul jaǵdaıda alaıaqtar kóbinese osyndaı uıymdardyń atynan áreket etedi», - dep tolyqtyrylǵan habarlama.