Almatyda velosıped mingen qyzdy kóligimen qaqqan júrgizýshi izdestirilýde, dep habarlaıdy almaty-akshamy.kz QazAqparatqa silteme jasap
Áleýmettik jelide kólik qaqqan qyzdyń vıdeosy shyqty. Jeli qoldanýshynyń málimeti boıynsha 4 sáýir, keshki saǵat 18:00-de Dostyq dańǵylynda 875ALS02 memlekettik nómiri bar avtokólik qaǵyp ketken. Oqıǵa saldarynan qyz ártúrli dene jaraqattaryn alyp, aýrýhanaǵa jetkizilgen.
Jol-kólik oqıǵasyn Medeý aýdandyq polısıa basqarmasynyń qyzmetkerleri tirkep, tekserý júrgizip jatyr.
Aldyn ala málimet boıynsha avtokólik Dostyq dańǵylymen ońtústik baǵytta bara jatqany anyqtaldy. Qarama-qarsy betke burylý kezinde júrgizýshi velosıpedpen kele jatqan kámeletke tolmaǵan qyzdy qaqqan. Qazirgi ýaqytta zardap shegýshi aýrýhanada jatyr. Onyń alǵan dene jaraqattaryna sot-medısınalyq saraptamalar taǵaıyndalatyn bolady. Sonymen qatar, oqıǵa boıynsha ornynan jasyrynǵan júrgizýshini anyqtaý boıynsha izdestirý-anyqtaý is-sharalary júrgizilýde.