Almaty qalasynyń ákimi ınfraqurylymdy damytý jáne kóriktendirý jobalarynyń iske asý barysymen tanysty, dep habarlaıdy aqshamnews.kz
Almatynyń sımvoly sanalatyn nysannyń sáýlettik kelbeti saqtaldy. İrgeles aýmaqty kóriktendirý 2026 jylǵa josparlanyp otyr.
"Qazaqstan" qonaq úıi ǵımaratyn aýqymdy qaıta jańǵyrtý jumystary tolyqtaı aıaqtaldy. Qoǵamdyq aımaqtar men nomerlik qor zamanaýı jaılylyq pen servıs standarttaryna saı jańartyldy.
1800-den astam zamanaýı jaryq shamdary "Qazaqstan" qonaq úıi ǵımaratynyń nysannyń tanymal sáýletin aıqyndap, keshki jáne túngi ýaqytta oǵan aıryqsha kórinis berdi. Jańa jaryq ǵımarattyń vızýaldy tartymdylyǵyn arttyryp otyr.
Sondaı-aq Shoqan Ýálıhanov atyndaǵy skverdiń qazirgi jaı-kúıi tekserildi. Qoǵamdyq keńistikterdi damytýda turǵyndar men qala qonaqtary úshin qolaılylyq, qaýipsizdik jáne tartymdylyq basty basymdyq bolyp qala beredi.
Sonymen qatar tarıhı konteksti eskerý jáne sapaly kútimdi qamtamasyz etý mańyzdy. Barlyq jumysta qurylystyń sáýlettik kelbetin saqtaý talaptary qatań saqtala otyryp, tabıǵı jáne sándik tastar qoldanylyp otyr.