Qazaqstannyń 14 oblysynda 22 qańtar kúní aua raıynyń qolaısyzdyǵyna baılanysty dauyldy eskertu jarıyalandy, dep habarlaıdy Aqshamnews.kz tílshísí.
Sınoptıkterdíń málímetínshe, bírqatar óńírde qar jauyp, būrqasyn soǵady, tūman túsíp, joldarda kóktaıǵaq qalyptasady.
Atyrau oblysynda qar jauyp, soltústík jáne shyǵys audandarda jayau būrqasyn kútíledí. Batysy men ońtústígínde tūman túsíp, kóktaıǵaq bolady. Atyrau qalasynda túngí jáne tańǵy uaqytta tūman men mūztaıǵaq saqtalady.
Pavlodar oblysynyń batysy, ońtústígí men shyǵysynda qar jauyp, boran soǵady. Soltústígínde túnde jáne tańerteń tūman kútíledí. Soltústík-shyǵystan soqqan jeldíń ekpíní 15–20 m/s-qa deıín jetuí múmkín. Pavlodar qalasynda da tańerteń tūman túsuí yqtımal.
Túrkístan oblysynyń ońtústígí men tauly aımaqtarynda jańbyr aralas qar jauyp, būrqasyn men kóktaıǵaq bolady. Keı jerlerde tūman túsedí. Jeldíń ekpíní 23–28 m/s-qa deıín kúsheyuí múmkín. Shymkent pen Túrkístan qalalarynda da qolaısyz aua raıy saqtalady.
Mańǵystau oblysynyń batysy, soltústígí jáne ortalyq bólígínde tūman túsíp, joldar kóktaıǵaq bolady.
22–24 qańtar aralyǵynda Almaty oblysynyń soltústígí, ońtústígí jáne tauly audandarynda tūman túsíp, joldarda mūz qatuy múmkín. Jeldíń jyldamdyǵy 15–20 m/s-qa deıín jetedí. Almaty qalasy men Qonaevta da tūman men kóktaıǵaq kútíledí.
Qyzylorda oblysynyń shyǵysy men ońtústígínde joldar taıǵaq bolady. Soltústík, ońtústík jáne ortalyq bólígínde tūman túsedí. Qyzylorda qalasynda kúndíz kóktaıǵaq baıqalady.
Abaı oblysynyń batysy men soltústígínde tūman kútíledí. Ayagóz audanynda jeldíń ekpíní 15–20 m/s-qa deıín kúsheyuí múmkín.
Shyǵys Qazaqstan oblysynyń soltústígí men shyǵysynda tūman túsedí.
Ūlytau oblysynda azdap qar jauyp, būrqasyn soǵady. Jezqazǵan qalasynda keı uaqyttarda tūman baıqalady.
Qaraǵandy oblysynyń batysy men soltústígínde qar jauyp, boran soǵady. Keıbír audandarda tūman kútíledí.
Jambyl oblysynyń batysy men ońtústígínde qar jauyp, tūman men kóktaıǵaq bolady. Jeldíń ekpíní keı jerlerde 28 m/s-qa deıín jetuí múmkín. Taraz qalasynda da qar jauyp, būrqasyn soǵady dep boljanuda.
Aqmola oblysynda azdap qar jauyp, būrqasyn bolady.
Jetísu oblysynyń shyǵysy men tauly aımaqtarynda tūman túsíp, joldarda kóktaıǵaq qalyptasady. Alakól audanynda jeldíń ekpíní 28 m/s-qa deıín kúsheyuí múmkín.
Batys Qazaqstan oblysynda tūman túsíp, kóktaıǵaq bolady. Oral qalasynda da osyndaı aua raıy saqtalady.
Mamandar tūrǵyndardy alys jolǵa shyqqanda saq boluǵa jáne aua raıynyń qolaısyzdyǵyn eskeríp, qauípsízdík sharalaryn qatań saqtauǵa shaqyrady.