Qazaqstanda bıyl jańa halyqaralyq áýe reısteri ashylady. Bul týraly kólik mınıstri Nurlan Saýranbaev málimdedi, - dep habarlaıdy aqshamnews.kz tilshisi.
Nurlan Saýranbaevtyń aıtýynsha, 21 qańtarda Úkimet otyrysynda 2026 jyly halyqaralyq áýe baǵyttaryn qaıta jandandyrý jáne jańa reısterdi ashý josparlanyp otyr. Mınıstr naqty baǵyttardy atamady, alaıda qazaqstandyqtar qaı qalalarǵa jıi usha alatynyn aıtty.
"Sondaı-aq qoldanystaǵy baǵyttar boıynsha reısterdiń jıiligin arttyrý josparlanyp otyr, onyń ishinde Vena, Tokıo, Rım, Abý-Dabı, Rıad, Dammam, Larnaka, Amman, Shanhaı, Qashqar, Varshava jáne basqa qalalarǵa", - dep qosty Nurlan Saýranbaev.
Premer-mınıstr Oljas Bektenov bir apta ishinde naqty usynystar engizýdi tapsyrdy.
"Kólik mınıstrligine "Samuryq-Qazyna" qorymen birlesip, bir apta merzimde jańa halyqaralyq áýe reısterin iske qosý jáne ulttyq júk tasymaldaýshynyń odan ári qyzmetine qatysty naqty usynystar engizýdi tapsyramyn", - dedi premer-mınıstr.