Qazaqstan quramasy stend atýdan Azıa chempıonatynda altyn medal jeńip aldy, dep habarlaıdy Aqshamnews.kz tilshisi.
Ulttyq olımpıada komıtetiniń málimetinshe, Dohada (Qatar) ótip jatqan qurlyqtyq birinshilikte qazaqstandyq sportshylar júldeli oryndardan kórindi.
Komandalyq «trap» jattyǵýynda Eleonora Ibragımova, Anastasıa Prılepına jáne Nargıza Sarmanova úzdik nátıje kórsetip, altyn medal ıelendi.
Jeke syn boıynsha da otandastarymyz nátıjeli óner kórsetti. «Trap» dısıplınasynda Maksım Bedarev pen Eleonora Ibragımova kúmis júldege qol jetkizdi.
Aıta keteıik, buǵan deıin qazaqstandyq mergender «skıt» jattyǵýynda eki altyn, bir kúmis jáne úsh qola medal jeńip alyp, eldiń jalpy medal kestesindegi kórsetkishin nyǵaıtqan bolatyn.