Soltústík Aral teńízíníń audanyn 34 km³ deıín, al onyń aumaǵyn 4-5 jyl íshínde 3 913 km² deıín jetkízu josparlanuda.
Prezıdenttíń Ūlttyq qūryltaıda aıtylǵan tapsyrmalaryn oryndau sheńberínde teńízdí saqtau jóníndegí sharalar turaly Úkímet otyrysynda su resurstary jáne ırrıgatsıya mınıstrí Nūrjan Nūrjígítov bayandady, - dep habarlaıdy aqshamnews.kz.
Onyń aıtuynsha, su az bolǵan kezde de tūraqty su aǵynyn qamtamasyz etu turaly Ózbekstanmen Respublıkasymen kelísímge qol qoıylǵan. Soltústík Araldyń kólemí 2023 jyldyń basyndaǵy 18,4 mlrd tekshe metrden qazírgí uaqytta 23 mlrd tekshe metrge deıín ūlǵaıdy.
Kókaral bógetín rekonstruktsıyalau jáne su deńgeıín 44 metrge deıín kóterudí qamtıtyn teńízdí saqtau jóníndegí jobanyń ekínshí kezeńín ázírleu ayaqtau satysynda tūr.
Túrkístan jáne Qyzylorda oblystaryndaǵy suaru júıelerín jańǵyrtu jáne avtomattandyru boıynsha 167 jobalyq-smetalyq qūjattama ázírlenude. Su únemdeu tehnologıyalary 143,1 myń gektar jerge engízíldí, būl shamamen 500 mln tekshe metr su únemdeuge múmkíndík berdí.
"Soltústík Aral teńízín saqtau jáne qalpyna keltíru bíz úshín tek ekologıyalyq qana emes, áleumettík jáne strategıyalyq míndet bolyp sanalady. Únemdelgen su resurstarynyń bír bólígín ekojúıelerdí qoldauǵa baǵyttau – óńírdíń tūraqtylyǵyna, halyq densaulyǵyna jáne kelesí ūrpaqtardyń bolashaǵyna qosylǵan úles", — dep atap óttí mınıstr.