Qazaqstan bıatlonshylar odaǵy jattyqtyrushylar shtabymen bírlesíp, aldaǵy Italıyada ótetín qysqy Olımpıada oıyndarynda el namysyn qorǵaıtyn sportshylardyń tízímín resmı túrde bekíttí, - dep habarlaıdy aqshamnews.kz tílshísí.
Eske salaıyq, íríkteu kezeńíníń qorytyndysy boıynsha ūlttyq qūrama tórt sportshydan (ekí er, ekí áıel) qūralady.
Jattyqtyrushylar keńesíníń sheshímímen Vladıslav Kıreev, Áset Dúısenov, Mılana Geneva jáne Aısha Rakısheva Olımpıadada Qazaqstan atynan synǵa túsetín boldy.
Federatsıyanyń baspasóz qyzmetíníń habarlauynsha, būl qūram - ūlttyq qūramanyń tarıhyndaǵy eń jas komandalardyń bírí. Sportshylar ortasha 24-25 jasta.
Qazírgí tańda qūrama Chehıyada oqu-jattyǵu jıynyna qatysuda jáne Álem kubogynyń kezektí kezeńínde baq synaıdy. Būl turnır Olımpıadaǵa daıyndyqtyń sońǵy kezeńí bolmaq. Odan keıín olımpıadalyq qūrama Italıyaǵa oqu-jattyǵu jıynyna attanady.
Aıta keteıík, 2026 jylǵy Olımpıada oıyndarynda bıatlon jarystary 8 aqpanda bastalady.