2025–2026 oqu jylynyń úshínshí toqsanynda Almaty qalasynyń barlyq memlekettík mektebí otandyq BilimClass platformasyna kóshtí. Platforma tolyqtaı zań ayasynda jūmys ísteıdí jáne aqparattyq qauípsízdík talaptaryn saqtaıdy. BilimClass - tolyqtaı tegín platforma, ony paıdalanu úshín mektepter de, ata-analar da, memleket te aqy tólemeıdí.
BilimClass ókílderíníń aıtuynsha, platformaǵa kóshu protsesí bastapqyda jaz mezgílíne, jańa oqu jyly bastalǵanǵa deıín josparlanǵan. Alaıda būrynǵy júıe túrlí tehnıkalyq jūmystar men sol tektes sebepterdí jeleu etíp, būǵan múmkíndík bermegen. Oqushylardyń úlgerímíne qatysty jınaqtalǵan derekterden aıyrylyp qaludan qauíptengen mektepter kóshu protsesín keıínge qaldyryp, būrynǵy platformada qaluǵa májbúr bolǵan. Būdan keıín BilimClass platformasyn aldymen Almatydaǵy jańadan ashylǵan mektepterde aprobatsıyadan ótkízu turaly sheshím qabyldanǵan.
"Bíz platformany aldymen 15 mektepte íske qosyp, qyzmetkerlerdí oqyttyq, sheshímderímízdíń basqa júıemen salystyrǵandaǵy artyqshylyqtaryn kórsete aldyq. Naqty mektepterdíń píkíríne súıene otyryp, bílím basqarmasy óz bastamasymen qalanyń barlyq mektebín BilimClass-qa kóshíru turaly sheshím qabyldady. Mekeme platformanyń mektepterge yńǵaıly boluyna, aqparattyq qauípsízdík jáne derekterdíń senímdí saqtaluyna basa nazar audardy. Bízdíń platforma būl talaptarǵa tolyqtaı saı. Oǵan qosa, mektepterdí oqu jylynyń ortasynda BilimClass platformasyna auystyryp jatqanymyz bírínshí ret emes, būl protsestí barlyq qoldanushylar úshín ońaı jáne jaıly etuge árqashan barymyzdy salamyz. Qazírgí tańda bízdíń platformany Qazaqstannyń 11 óńíríndegí mektepter paıdalanyp otyr", - deıdí Bilim Group kompanıyasynyń CEO-sy Aleksandr Savchenko.
Alaıda Aleksandr Savchenkonyń aıtuynsha, áleumettík jelíler men bírqatar aqparat qūraldarynda básekeles ūıymnyń talaby boıynsha sot Almaty mektepteríníń BilimClass-qa kóshuíne tyıym saldy degen jalǵan aqparat taraǵan. Naqtysynda mūndaı sot sheshímí joq, tek qateler túzetílgen ūıǵarym bar. Qazír BilimClass qalypty rejımde jūmys ístep tūr. Platforma óz jūmysyn kásíbı jáne ashyq júrgízetíndíkten, zań tūrǵysynan eshqandaı másele joq.
"Bíz jalǵan aqparat taratumen aınalyspaımyz jáne qoǵamdy da, platformamyzdyń paıdalanushylaryn da jańsaq oıǵa jeteleuden aulaqpyz. Bíz óz jūmysymyzdy jaqsy atqaryp, naryqta básekege qabílettí jańa sheshímder ūsynuǵa tyrysamyz. Sonymen qatar óz jūmysymyzda zań talaptaryna qatań súıenemíz", - dep atap óttí Bilim Group kompanıyasynyń Bilim Group kompanıyasynyń basshysy Aleksandr Savchenko.
Sonymen qatar, kompanıya basshysy toqsan bastalmaı tūryp mūǵalímderge BilimClass-pen jūmys ísteu boıynsha aldyn ala oqytu sabaqtary júrgízílgenín aıtady. Būdan bólek platforma komandasy mektepter men mūǵalímderge kúndelíktí qoldau kórsetíp keledí. Ata-analarǵa arnalǵan qoldau qyzmetí de jūmys ístep tūr.
"Bíz naryqqa úzdík sheshím ūsynyp otyrǵanymyzdyń bírden-bír dálelí - on óńírdegí bílím basqarmalary júrgízgen táuelsíz saualnama nátıjelerí. 46 636 mūǵalím men 139 439 ata-ananyń íshínde paıdalanushylardyń 66,4%-í men 59,4%-níń tańdauy BilimClass-qa túsken, - dep túsíndírdí Bilim Group kompanıyasynyń basshysy Aleksandr Savchenko.
Onyń aıtuynsha, júıe bastan-ayaq Bilim Group-tyń ázírlemelerí negízínde jasalǵan, eshqandaı sheteldík sheshímder qoldanylmaǵan. Platforma jarnamasyz, tegín jūmys ísteıdí árí oqu protsesíníń barlyq qatysushysyna paıdaly kóptegen funktsıyany qamtıdy.
"EdTech naryǵy bílím sapasyn jaqsartuǵa baryn saluy kerek, alaıda etıka men zań ayasynda áreket etuge tıís. Sondyqtan bíz naryqtyń barlyq ókílín adal, ashyq jáne Qazaqstan mektepteríne paıda tıgízu baǵytynda jūmys ísteuge shaqyramyz", - dep túıíndedí Bilim Group kompanıyasynyń basshysy Aleksandr Savchenko.
Sonymen qatar, jańa júıege kóshken mektepter, mūǵalímder men oqushylar elektrondyq jurnalmen qatar platforma ūsynatyn basqa da paıdaly ónímderge qol jetkízgen. Olardyń qatarynda TMD aumaǵyndaǵy eń írí tsıfrlyq bílím beru kontent qory sanalatyn BilimLand platformasy, ŪBT-ǵa daıyndaluǵa kómektesetín iTest onlaın-trenajerí men bastauysh synyp oqushylaryna arnalǵan qazaq tílíndegí iMektep vıdeosabaqtar jınaǵy bar.
Aıta keteıík, platformany ázírleushí - Qazaqstandaǵy jetekshí Bilim Group IT holdıngí. Onyń qūramyna BilimLand, OnlineMektep, BilimKids, iTest, BilimUstaz, Kitap.kz jáne SmartNation sıyaqty ónímder kíredí.