Qazaqstan Respublıkasynyń Ūlttyq kítaphanasynda bıyl mereıtoıy atalyp ótetín memleket jáne qoǵam qaıratkerlerí, ádebıet pen óner salasynyń 16 kórnektí ókílíne arnalǵan kórme ashyldy. Olardyń qatarynda Jambyl Jabaev, Álıhan Bókeıhanov, Ahmet Jūbanov, Saıyn Mūratbekov jáne ózge de tūlǵalar bar.
Kórme ekspozıtsıyasyna 350-den astam baspa basylymy men 200-ge juyq elektrondy materıal qoıyldy. Kítaphanaǵa kelushíler mereıtoı ıeleríníń ómírbayany, kásíbı jáne qoǵamdyq qyzmetí jóníndegí málímettermen tanysa alady. Mádenıet qaıratkerleríne jeke bólím arnalyp, olardyń teatr, kıno jáne muzyka ónerín damytuǵa qosqan úlesí tanystyryldy.
Kórmení QR Ūlttyq kítaphana oqyrmandary jyl boıy tamashalaı alady.