Májílís deputaty Erlan Saıyrov áleumettík jelílerdíń balalar sanasyna áserí kúsheıgenín aıtyp, kámeletke tolmaǵandardyń tsıfrlyq ortadaǵy qorǵaluyn júıelí memlekettík sayasat deńgeıíne kóterudí ūsyndy, - dep habarlaıdy aqshamnews.kz tílshísí.
Ol deputattyq saualyn premer-mınıstrdíń orynbasary – mádenıet jáne aqparat mınıstrí Aıda Balaevaǵa joldady.
Májílís deputaty Erlan Saıyrov Memleket basshysy Qasym-Jomart Toqaevtyń V Ūlttyq qūryltaıdaǵy sózín negízge alyp, qazírgí qazaqstandyq patrıotızmníń basty qaǵıdattary – jauapkershílík, eńbekqorlyq, zańǵa qūrmet jáne dástúrlí qūndylyqtardy qorǵau ekenín atap óttí. Prezıdenttíń "qoǵamǵa jat mínez-qūlyq úlgílerín kúshpen tańuǵa jol berílmeıdí" degen ūstanymy búgíngí aqparattyq jáne tsıfrlyq keńístíktegí ahualmen tyǵyz baılanysty ekenín aıtty.
Deputattyń aıtuynsha, memleket tarapynan zańǵa qaıshy kontenttí būǵattau, balalardy zıyandy aqparattan qorǵau tetíkterí jáne platformalarmen ózara jūmys sıyaqty sharalar qolǵa alynǵanymen, tsıfrlyq tehnologıyalardyń qarqyndy damuy būl baǵyttaǵy tásílderdí jańartudy talap etedí.
"Másele tek kontentte emes. Másele – óskeleń ūrpaqtyń sanasynyń qalyptasuynda. Búgínde áleumettík jelíler – balalardyń oılau júıesíne, moraldyq baǵdaryna, ádetíne, óz elíne kózqarasyna yqpal etetín negízgí ortaǵa aınaldy. Eger memleket tárbıelemese – kósheníń tárbıesí júredí. Al búgín kósheníń ornynda – algorıtmder!" – delíngen saualda.
Erlan Saıyrov tsıfrlyq ortadaǵy jaǵdaıdy mádenıet pen aqparat sheńberínen áldeqaıda keń, yaǵnı ıdeologıya jáne ūlttyq qauípsízdík deńgeıíndegí másele retínde qarau qajet ekenín jetkízdí.
Saualda deputat Sergeı Ponomarevtíń Ūlttyq qūryltaıda kótergen ūsynysyn eske sala otyryp, 14–16 jasqa deıíngí balalardyń áleumettík jelílerge qoljetímdílígín shekteu tájírıbesín jan-jaqty taldau qajetín atap ótedí.
Deputat Europadaǵy úrdísterdí mysalǵa keltírgen:
-
Frantsıyada 2023 jyldan bastap 15 jasqa deıíngí balalarǵa qatysty "tsıfrlyq kámelettík jas" turaly zań qoldanysta;
-
Norvegıya men Ispanıyada 2024 jyly áleumettík jelíní óz betínshe paıdalanu jasy tıísínshe 15 jáne 16 jasqa kóterílgen;
-
2025 jylǵy qarashada Europarlament EO kólemínde platformalarǵa óz betínshe qol jetkízudíń eń tómengí jasyn 16 dep belgíleu jónínde rezolyutsıya qabyldaǵan.
Osyǵan baılanysty deputat mınıstrden tómendegí máseleler boıynsha túsíníkteme berudí sūrady:
-
Balalar men jasóspírímderdíń aqparattyq qauípsízdígín qorǵauda jekelegen tehnıkalyq sheshímderden tūtas memlekettík sayasatqa kóshu úshín qandaı sharalar qabyldanyp jatyr?
-
Múddelí memlekettík organdardyń (Mádenıet jáne aqparat; Oqu-aǵartu; Jasandy ıntellekt jáne tsıfrlyq damu jáne t.b.) tsıfrlyq keńístíkte bírízdí qūndylyqtyq ūstanymdardy ílgeríletu boıynsha úılestíru tetíkterí qalaı qalyptastyrylady?
-
Kámeletke tolmaǵandardyń áleumettík jelílerge qoljetímdílígíne zańnamalyq shekteu engízu múmkíndígí qarastyryla ma?