Qazaqstandyq bitimgerler BUU-nyń Lıvandaǵy mısıasynyń «Shyǵys» sektorynda ornalasty
«BUU-nyń Lıvandaǵy ýaqytsha kúshteri» mısıasyna qatysatyn Úndistan Qarýly kúshteriniń bitimgerlik kontıngenti quramynda qazaqstandyq bitimgerlerdiń kezekti rotasıasy júrgizildi, dep habarlaıdy Almaty-akshamy.kz.
Almaty halyqaralyq áýejaıynda Taıaý Shyǵys elindegi mısıany aıaqtaǵan áskerı qyzmetshilerdi saltanatty qarsy alý rásimi ótti.
Qazaqstandyq bitimgerler BUU-nyń Lıvandaǵy mısıasynyń «Shyǵys» sektorynda ornalasty. Olar BUU mandaty aıasynda jaıaý jáne mobıldi patrúldeýdi júzege asyrdy. Jol tosqaýyldarynyń jumysyn uıymdastyrýmen aınalysty. Úndi kontıngentimen birge basqa da mindetterdi oryndady.
– Lıvanda biz úndi batalónynyń quramynda boldyq. Qazaqstannyń halyqaralyq arenadaǵy bedelin nyǵaıtý úshin bárin jasadyq. Shyǵys sektorynyń qolbasshysy men batalón qolbasshylyǵy bizdiń áskerı qyzmetshilerdiń qyzmeti men jaýyngerlik daıarlyq deńgeıin joǵary baǵalady, – dep atap ótti bitimgerlik tobynyń komandıri aǵa leıtenant Temirlan Kúmisbekov.
Jaqyn arada bitimgerler sanatorlyq-kýrorttyq emdelýden ótýi tıis. Sodan keıin olar turaqty ornalasqan jeri boıynsha qyzmet atqarýǵa kirisedi.
Búginge deıin Úndistan bitimgerlik kontıngentiniń quramynda 500-den astam qazaqstandyq áskerı qyzmetshi Lıvandaǵy mısıany oryndaýǵa qatysqanyn atap ótý kerek.