Byltyr kesilgen gúlder men búrshiktermen taýar aınalymy 48,8 mln dollardy qurady, bul 2021 jylǵy kórsetkishten 9,7%-ǵa joǵary (44,4 mln dollar).
Mundaı derekti Saýda jáne ıntegrasıa mınıstrligi keltirdi, dep habarlaıdy Almaty-akshamy.kz
Óz kezeginde, Qazaqstan gúlderiniń eksporty 2022 jyly 10,1%-ǵa ósip, 2,7 mln AQSH dollaryn qurady.
«Qazaqstan gúlderdiń kelesideı túrlerin eksporttaıdy: raýshan – 2,2 mln AQSH dollary (úlesi 80,6%), gúl shoqtaryn qaldyrýǵa nemese sándik maqsattar úshin jaramdy basqa da jańa gúlder men búrshikter – 220,2 myń AQSH dollary (8,2%), hrızantema – 169,4 myń AQSH dollary (6,3%), qalampyr – 111,8 myń AQSH dollary (4,2%), lalagúlder – 10,4 myń AQSH dollary (0,4%), orhıdeıalar – 8,6 myń AQSH dollary (0,3%), basqa kesilgen gúlder men búrshikter – 760 AQSH dollary (0,03%), ranýnkýldar – 331,2 AQSH dollary (0,01%), gladıolı – 1 110 AQSH dollary (0,004%)», – delingen habarlamada.
Qazaqstanǵa gúl ımporty 2022 jyly 9,7%-ǵa ósti (46,1 mln AQSH dollary).
Jalpy, Qazaqstan raýshan gúlderin ımporttaıdy – 30 mln AQSH dollary (65,2% úlesimen), hrızantema – 6,2 mln AQSH dollary (13,5%), gúl shoqtaryn jasaýǵa nemese sándik maqsattar úshin jaramdy basqa da jańa gúlder men búrshikter – 5,8 mln AQSH dollary (12,6%), basqa kesilgen gúlder men búrshikter - 1,4 mln AQSH dollary (3,1%), lalagúlder – 1,2 mln AQSH dollary (2,7%), qalampyr – 1 mln AQSH dollary (2,3%), orhıdeıalar – 241,3 myń AQSH dollary (0,5%), ranýnkýldar – 79,2 myń AQSH dollary (0,2%), gladıolı – 7,9 myń AQSH dollary (0,02%).