258 myńnan astam áıel áleýmettik tólem alyp otyr.
Memlekettik búdjetten buǵan 1,2 trln teńge jumsalmaq, dep habarlaıdy Almaty-akshamy.kz
Áıelderdiń tabysyna baılanysty olardyń ortasha mólsheri 2 aıdyń qorytyndysy boıynsha shamamen 900 myń teńgeni qurady.
1 qańtardan bastap bala týýǵa arnalǵan birjolǵy járdemaqylardyń mólsheri ulǵaıtyldy. A.j. birinshi, ekinshi jáne úshinshi bala týylǵan kezde otbasy 131 myń teńge, al tórtinshi jáne 217 myń teńgeden astam alady.
«Memleket basshysynyń tapsyrmalaryn oryndaý úshin bala kútimi boıynsha áleýmettik tólemderdi júzege asyrý kezeńi 1 jastan 1,5 jasqa deıin ulǵaıtyldy. Ótken jyly týylǵan balalardy eskere otyryp, mundaı tólemderdi 760 myńǵa jýyq otbasy alady», – dedi EHÁQM basshysy.
Tamara Dúısenova bul qyzmetterdiń barlyǵy alýshylarǵa belsendi túrde, ıaǵnı memlekettik organdarǵa júginbeı-aq usynylatynyn aıtty.
EHÁQM basshysy kóp balaly analardy qoldaý sharalaryna da erekshe nazar aýdardy. Tórt balasy bar otbasyna tólenetin aı saıynǵy járdemaqynyń eń tómengi mólsheri 55 myń teńgeden sál asady, al 8 jáne odan da kóp balasy bar otbasylar úshin eń joǵary mólsheri 110 myń teńgeden asady. Bıyl járdemaqynyń bul túrin jalpy qarjylandyrý kólemi 410 mlrd teńgege 544 myń otbasyna tóleý josparlanýda.
"Altyn alqa" jáne "Kúmis alqamen" marapattalǵan analarǵa taǵy bir járdemaqy qarastyrylǵan. Ol ómir boıy taǵaıyndalady jáne aı saıyn tólenedi. Búginde bul járdemaqyny 230 myń ana alady jáne olar úshin respýblıkalyq búdjetten 61 mlrd teńge qarastyrylǵan.
"Barlyq áleýmettik tólemder otbasynyń tabysyna qaramastan taǵaıyndalatynyn atap ótkim keldi. Biraq otbasynyń árbir múshesine shaqqandaǵy tabysy belgilengen kedeılik sheginen tómen bolǵan jaǵdaıda, memleket qosymsha ataýly áleýmettik kómek kórsetetin bolady. Ótken jyly ony 729 myń adam aldy, bıyl ol 350 myń adamǵa taǵaıyndaldy, bul rette onyń ortasha mólsheri aǵymdaǵy jyly tirkelgen tólemderdi eskere otyryp, 18 myń teńgeni nemese ótken jyldyń deńgeıinen 8,7 myńǵa artyq", – dep túıindedi sózin mınıstr.