Qazaqstan Assambleıanyń kópjaqty qyzmetin tolyq qoldaıdy.
Búgin Qazaqstan Prezıdenti Qasym-Jomart Toqaev Almatyda ótip jatqan TMD Parlamentaralyq Assambleıasy Keńesiniń mereıtoılyq otyrysyna qatysýshylarǵa úndeý joldady, dep habarlaıdy Almaty-akshamy.kz.
Úndeýdiń mátinin QR Parlamenti Senatynyń Tóraǵasy Máýlen Áshimbaev oqyp berdi.
Memleket basshysy úndeýde osydan týra 30 jyl buryn dál Almaty qalasynda TMD Parlamentaralyq Assambleıasyn qurý týraly tarıhı kelisimge qol qoıylǵanyn atap ótti.
Sondaı-aq el Prezıdenti osy jyldar ishinde bul biregeı ınstıtýt Dostastyq keńistigindegi kópjaqty yntymaqtastyq júıesinde erekshe ról atqarǵanyna nazar aýdardy.
«Assambleıa ulttyq zańnamalardy jetildirýge jáne demokratıa men azamattyq qoǵamdy damytýǵa eleýli úles qosyp keledi. TMD aıasyndaǵy saılaý prosesteri boıynsha tájirıbeni jaqsartýǵa jáne azamattarymyzdyń saılaý quqyqtaryn qamtamasyz etýge parlamentshilerdiń belsendi qatysýy joǵary baǵaǵa laıyq», – delingen úndeýde.
Memleket basshysy parlamentaralyq dıalog ekonomıkalyq, áleýmettik jáne gýmanıtarlyq salalardaǵy ózara is-qımyldy odan ári keńeıtýge yqpal etetinin, sondaı-aq qazirgi zamanǵy syn-qaterlermen kúresý jáne qaýipsizdikti nyǵaıtý úshin quqyqtyq negiz qalyptastyrýǵa úlken úles qosatynyn aıtty.
«Birlesken zań shyǵarý jumysy jahandyq kún tártibi sheńberinde ornyqty damýdyń, dekarbonızasıanyń jáne sıfrlandyrýdyń mańyzdy jańa mindetterin iske asyrýdyń teńgerimdi tásilderin ázirleýge múmkindik beredi. Qazaqstan Assambleıanyń kópjaqty qyzmetin tolyq qoldaıdy. Sondaı-aq TMD Tóraǵasy jáne Parlamentaralyq Assambleıanyń negizin qalaýshylardyń biri retinde osy biregeı ári paıdaly ınstıtýtty jan-jaqty nyǵaıtýǵa qoldaý kórsetýge nıetti», – delingen Qazaqstan Prezıdenti úndeýinde.
TMD PAA Keńesiniń tóraǵasy, RF Federaldyq jınalysy Federasıa Keńesiniń tóraǵasy Valentına Matvıenko Qazaqstan Prezıdentine Assambleıaǵa arnaǵan sózderi úshin alǵys aıtty.
«Qasym-Jomart Kemeluly uzaq jyldar boıy TMD Parlamentaralyq Assambleıasy Keńesiniń múshesi retinde bizdiń jumysymyzǵa belsendi qatysyp, parlamentaralyq yntymaqtastyqty damytýǵa zor úles qosqanyn bilesizder», - dedi Valentına Matvıenko.