Bul týraly QR Parlamenti Senatynyń Tóraǵasy Máýlen Áshimbaev aıtty.
Almatyda TMD elderi Parlamentaralyq Assambleıasy Keńesiniń mereıtoılyq otyrysy ótip jatyr, dep habarlaıdy Almaty-akshamy.kz QazAqparatqa silteme jasap.
Senat spıkeriniń aıtýynsha, búginge deıin Assambleıa 600-den astam modeldi zań men basqa da qujattardy ázirlep, qabyldady. TMD elderiniń Parlamentteri olardy óz memleketteriniń quqyqtyq bazasyn qalyptastyrý kezinde belsendi paıdalandy.
«Assambleıa aıasynda halyqaralyq konferensıalar men forýmdar turaqty túrde ótip keledi. Ondaı aýqymdy jıyndarda kóshi-qon, ekologıa, terorızm jáne ekstremızmmen kúres salalary, sondaı-aq basqa da mańyzdy baǵyttar boıynsha birlesken sharalar talqylanyp, ázirlenedi. Sondyqtan qazirgi tańda TMD Parlamentaralyq Assambleıasyn eń tıimdi parlamentaralyq birlestikterdiń biri dep esepteımiz», – dedi Senat Tóraǵasy.