Kompanıanyń usynǵan ınvestısıalyq usynystary oń baǵalandy.
Memleket basshysy Qasym-Jomart Toqaev Svevind Group kompanıasynyń prezıdenti Volfgang Kroppty qabyldady, dep habarlaıdy Almaty-akshamy.kz Akorda.kz silteme jasap.
Svevind Group nemis-shved kompanıalar tobynyń basshysy Qazaqstan Prezıdentine «jasyl» energetıka salasyndaǵy ınvestısıalyq jobalardy júzege asyrýdyń perspektıvalary týraly aıtty.
Atap aıtqanda, Mańǵystaý oblysynda jel jáne kún elektr stansıalarynyń qurylysyna qatysty jobany iske asyrý jáne sodan keıin resýrstardy «jasyl» sýtegi óndirisine bólý josparlanyp otyr. Sonymen qatar jel generatorlary men kún energıasyn óndiretin panelderdi jergilikti jerde shyǵarý múmkindigi qarastyrylýda.
Qasym-Jomart Toqaev jańartylatyn qýat kózderin paıdalanýǵa jáne el ekonomıkasyndaǵy kómirtegine táýeldilikti tómendetýge basymdyq beretinin aıtty. Onyń pikirinshe, sýtegi energetıkasyna arnaıy nazar aýdarý kerek.
Memleket basshysy kompanıanyń usynǵan ınvestısıalyq usynystaryn oń baǵalap, Volfgang Kroppqa memleket tarapynan qoldaý kórsetiletinin aıtty.
