Shaǵyn jáne orta bıznesti qoldaý boıynsha belsendi jumys júrgizilip jatyr.
Birinshi jartyjyldyqta qolma-qol aqshasyz aınalym kólemi 2,8 esege artyp, 12,7 trln. teńge boldy. Bul týraly Almaty qalasy ákiminiń orynbasary Maqsat Qıqymovtyń megapolıstiń Qoǵamdyq keńesiniń otyrysynda sóz sóıleýinde belgili boldy, dep habarlaıdy Almaty-akshamy.kz Almaty.tv silteme jasap.
Onyń aıtýynsha, ekonomıkanyń basqa sektorlarynda da oń dınamıka baıqalady: elektrondyq saýda salasynda (718,1 mlrd teńge, ósim 2,3 ese), saýda salasynda (7,6 trln teńge, ósim 6,4%), ónerkásip salasynda (783 mlrd teńgege ónim óndirildi, ósim 22,3%), óńdeý ónerkásibinde (644 mlrd teńge, ósim 23,3%). 2021 jyldyń 8 aıynda negizgi kapıtalǵa salynǵan ınvestısıalar 16% ósip, 629,8 mlrd teńge boldy. Indýstrıalyq aımaqty damytý júrgizilýde, «ITP» AEA aýmaǵynda 1,5 myńnan astam jańa jumys oryndaryn qurýmen 8 óndiristik alańdy jobalaý bastaldy.
«Shaǵyn jáne orta bıznesti qoldaý boıynsha belsendi jumys júrgizilip jatyr. Óńirlik jáne memlekettik baǵdarlamalar aıasynda jyl basynan beri 191,6 mlrd teńgege 1,2 myńnan astam joba qarjylandyryldy. Bul rette halyqtyń áleýmettik osal toptaryn qorǵaýǵa erekshe kóńil bólinedi. «BJK - 2025» baǵdarlamasy boıynsha HÁOT sanatynan 326,5 mln teńge somasyna 106 joba maquldandy. «Eńbek» baǵdarlamasy aıasynda 757 adam jalpy somasy 441 mln teńgege 200 AEK kóleminde óteýsiz granttar aldy», – dep habarlady Maqsat Qıqymov.
Jalpy alǵanda, áleýmettik kómekti 138 myńǵa jýyq Almaty turǵyndary alady. Maýsym aıynda Áleýmettik qyzmetter úıiniń ashylýy ótti, onda turǵyndarǵa «bir tereze» qaǵıdaty boıynsha áleýmettik qyzmetterdiń barlyq spektri kórsetiledi. Búgingi tańda ÁQKÚ-ne kúnine shamamen 500 adam keledi.
Az qamtylǵan otbasylardyń balalary úshin «Shyńǵa órleý» áleýmettik jobasyn iske asyrý jalǵastyrylyp jatyr (2,2 myńnan astam bala oqytyldy). TenQogam múgedek adamdardy áleýmettik qoldaý ortalyǵy (295 adam biliktilik alýǵa jáne jumysqa ornalasýǵa qoldaý aldy), «Belsendi uzaq ómir súrý» (25,3 myńnan astam zeınetker tirkelgen 9 ortalyq jumys isteıdi), «Baqytty otbasy» (9 ortalyq jumys isteıdi, 35,2 myń adam qyzmetterdi paıdalandy), ISKER ANA áıelder kásipkerligin damytý baǵdarlamasy sıaqty jobalary iske asyrylady.
Travmatologıalyq jáne neırohırýrgıalyq beıindegi múgedek adamdar úshin, 150 oryndyq júrek–qantamyr patologıasy bar múgedek adamdar úshin ońaltý ortalyǵyn, táýligine 500 adamǵa deıin ótkizý qabileti bar mamandandyrylǵan sport keshenin salý josparlanýda. Áleýmettik ál-aýqat basqarmasynyń burynǵy ǵımaratyn psıhonevrologıalyq patologıalary bar adamdarǵa arnalǵan kóp beıindi ońaltý ortalyǵyna qaıta beıindeý júrgizilýde.
Týrızm salasynda da qarqyndy damý baıqalady. 7 aı ishinde týrızm ındýstrıasyna ınvestısıalar 2,4 ese ósip, 56,8 mlrd teńgeni qurady. Investısıanyń jalpy somasy 15,8 mlrd teńge bolatyn Holiday Inn Express qonaq úıin (nómirlik qor - 184), «Jetisý» qonaq úıin (nómirlik qor - 224) ashý josparlanýda. Jyl sońyna deıin ekologıalyq týrızm salasynda 27 mlrd teńgege 9 jobany iske asyrýdy bastaý josparlanýda.