Altaı Kólginov Qazaqstannyń Premer-Mınıstriniń orynbasary boldy.
Memleket basshysynyń Jarlyǵymen Altaı Seıdiruly Kólginov Qazaqstan Respýblıkasy Premer-Mınıstriniń orynbasary laýazymyna taǵaıyndaldy, dep habarlaıdy Almaty-akshamy.kz Aqordanyń baspasóz qyzmetine silteme jasap.
Altaı Kólginov 1978 jyly 15 qańtarda dúnıege keldi.
Iasaýı atyndaǵy Halyqaralyq Qazaq-Túrik ýnıversıtetin, Qazaqstan Respýblıkasy Prezıdenti janyndaǵy Memlekettik basqarý akademıasyn, «Bolashaq» baǵdarlamasy boıynsha Ulybrıtanıanyń Aberdın ýnıversıtetin bitirgen.
Qanatbek Jaısańbaev Prezıdent kómekshisi, bólim meńgerýshisi bolyp taǵaıyndaldy.
Qanatbek Jaısańbaev Prezıdent kómekshisi – Prezıdent Ákimshiliginiń Ótinishterdi qaraýdy baqylaý bóliminiń meńgerýshisi bolyp taǵaıyndaldy, dep habarlaıdy QazAqparat Aqordaǵa silteme jasap.
«Qanatbek Baqytuly Jaısańbaev Qazaqstan Respýblıkasy Prezıdentiniń kómekshisi – Qazaqstan Respýblıkasy Prezıdenti Ákimshiliginiń Ótinishterdi qaraýdy baqylaý bóliminiń meńgerýshisi bolyp taǵaıyndalsyn, ol Qazaqstan Respýblıkasy Prezıdentiniń Ákimshiligi Memlekettik baqylaý jáne aýmaqtyq-uıymdastyrý jumysy bóliminiń meńgerýshisi laýazymynan bosatylsyn», - delingen Memleket basshysy Qasym-Jomart Toqaevtyń Jarlyǵynda.
Qasym-Jomart Toqaevtyń taǵy bir Jarlyǵymen Prezıdent Ákimshiligi Memlekettik baqylaý jáne aýmaqtyq-uıymdastyrý jumysy bóliminiń meńgerýshisi qyzmetine Ǵabıdýlla Abdýllauly Ospanqulov taǵaıyndaldy.
Ernar Baspaev Prezıdent Ákimshiligi Basshysynyń orynbasary boldy.
Memleket basshysy Qasym-Jomart Toqaevtyń Jarlyǵymen Ernar Jeńisuly Baspaev QR Prezıdenti Ákimshiligi Basshysynyń orynbasary bolyp taǵaıyndaldy, dep habarlaıdy QazAqparat Aqordaǵa silteme jasap.
Ernar Baspaev Qazaqstan Respýblıkasy Prezıdentiniń kómekshisi – QR Prezıdenti Ákimshiliginiń Ótinishterdi qaraýdy baqylaý bóliminiń meńgerýshisi laýazymynan bosatyldy.
Eske salaıyq, Prezıdent Ákimshiligi Basshysynyń orynbasary bolǵan Málik Myrzalın búgin laýazymynan bosatylyp, Qazaqstannyń Grýzıadaǵy Elshisi qyzmetine taǵaıyndaldy.
Ernar Baspaev 1979 jyly týǵan. Qazaq memlekettik zań akademıasyn, H.Dosmuhamedov atyndaǵy Atyraý memlekettik ýnıversıtetin, Reseı halyq sharýashylyǵy jáne memlekettik qyzmet akademıasyn bitirgen. Mamandyǵy boıynsha zańger, ekonomıka jáne bıznes bakalavry, iskerlik ákimshilendirý magıstri.