Prezıdent eki el arasyndaǵy saýda-ekonomıkalyq qatynastardyń qarqyndy damyp kele jatqanyna nazar aýdardy.
Qasym-Jomart Toqaev pen Radıı Habırov Qazaqstan men Bashqurtstannyń saýda-ekonomıkalyq, ónerkásip, ınvestısıa jáne mádenı-gýmanıtarlyq salalardaǵy yntymaqtastyǵyn odan ári nyǵaıtý máselelerin talqylady, dep habarlaıdy Almaty-akshamy.kz.
Kezdesý barysynda Memleket basshysy Qazaqstan men Reseı Federasıasy arasyndaǵy strategıalyq seriktestikte Bashqurtstan Respýblıkasynyń erekshe oryn alatynyn atap ótti.
«Biz Qazaqstan men Bashqurtstan arasyndaǵy iskerlik yntymaqtastyqqa qatysty naqty jobalar jasaýǵa jáne damytýǵa múddelimiz. Sondyqtan sizderdiń kompanıalaryńyzdyń jetekshilerin Qazaqstanǵa shaqyramyn. Biz barlyq jaǵdaıdy jasaımyz. Buǵan qyzyǵýshylyq tanytyp otyrmyz. Eger sizderdiń tarapyńyzdan ındýstrıalyq áleýeti eskerilgen óte mańyzdy birlesken jobalar usynylsa, jumysymyz jemisti bolady dep oılaımyn», – dedi Prezıdent.
Memleket basshysynyń aıtýynsha, Bashqurtstan dástúrli túrde Qazaqstan men Reseıdiń aımaqaralyq yntymaqtastyǵyn nyǵaıtýǵa eleýli úles qosýda. Onyń pikirinshe, túrli baǵyttar boıynsha ózara yqpaldastyqty keńeıtýge áleýet jetkilikti jáne Qazaqstan ony tolyqqandy iske asyrýǵa nıetti.
Óz kezeginde Radıı Habırov kezdesýge múmkindik bergeni úshin Qasym-Jomart Toqaevqa alǵys bildirip, Qazaqstanmen aradaǵy yntymaqtastyqty damytýdyń strategıalyq mańyzy bar ekenin atap ótti.
«Bashqurtstan Qazaqstannyń bıznesimen jumysty odan ári jalǵastyrýǵa asa múddeli. Biz úshin bul óte mańyzdy. Osy ýaqyt aralyǵynda qol qýsyryp otyrǵanymyz joq. Meniń Qazaqstanǵa saparym barysynda birqatar kelisimder jasalyp, ýaǵdalastyqtarǵa qol jetkizildi jáne olardyń bári júzege asyryldy. Eń aldymen, ózara qarym-qatynas ınfraqurylymyn jolǵa qoıdyq», – dedi Radıı Habırov.