Qazaqstan polısıasy Ýkraınadan ákelingen qaýipti petardalar týraly jalǵan aqparatty joqqa shyǵardy
Áleýmettik jelilerde «Korsar 1000», «Korsar 10 000» jáne «Zvezdes» ataýymen belgili, «Juliy» kompanıasy shyǵarǵan qaýipti petardalar týraly aqparat tarady.
Jalǵan habarlamada bul pırotehnıkalyq ónimder lezde áreket etetin jarylǵysh zattardan jasalǵany týraly aıtylǵan. Petardalar qolda jarylyp ketedi degen málimet berilgen.
«Bul ónimder Ýkraına arnaıy qyzmetteri tarapynan jaǵdaıdy turaqsyzdandyrý jáne reseılik azamattarǵa barynsha kóp zıan keltirý maqsatynda jasalǵan. Sol petardalar Qazaqstanǵa da jetkizildi», – delingen habarlamada.