20 jeltoqsanda Qazaqstan fýtbol federasıasynyń (QFF) jańa basshysyn saılaý ótedi. Osy oqıǵaǵa baılanysty Qazaqstan ulttyq fýtbol quramasynyń bas bapkeri Stanıslav Cherchesov óz pikirin bildirdi, dep habarlaıdy aqshamnews.kz
Reseılik maman úshin QFF prezıdentin saılaý mańyzdy ról atqarady. Sebebi jańa basshylyq 61 jastaǵy jattyqtyrýshymen yntymaqtastyqty jalǵastyrý nemese Lıga ulttary týrnırindegi sátsiz oıyndardan keıin kelisimshartty buzý týraly sheshim qabyldaýy múmkin.
"Kandıdattar belgili, olardyń eshqaısysyn jeke tanymaımyn. Saılaý – qalypty proses. Bul oqıǵaǵa erekshe tolqyp otyrǵan joqpyn. Saılaý nátıjesin kúteıik, ári qaraı bárin talqylaımyz", – dedi Qazaqstan quramasynyń bas bapkeri Stanıslav Cherchesov.
2024 jyldyń 8 qarashasynda QFF-nyń sol kezdegi prezıdenti Ádilet Barmenqulov óz erkimen qyzmetinen ketken bolatyn. Dál sol Barmenqulov Stanıslav Cherchesovty ulttyq quramanyń bas bapkeri qyzmetine shaqyrǵan edi.
Reseılik jattyqtyrýshynyń basshylyǵymen Qazaqstan quramasy ÝEFA Lıga ulttary aıasyndaǵy alty machta nebári bir ǵana upaı jınady.