Keshe Qazaqstan óz alańynda Belarýs quramasyn qabyldady
Fýtboldan Qazaqstan quramasy UEFA Ulttar lıgasynyń V lıgasyna joldama aldy, dep habarlaıdy Almaty-akshamy.kz QazAqparatqa silteme jasap.
Keshe Qazaqstan óz alańynda Belarýs quramasyn qabyldady. Qazaqstandyq fýtbolshylar úshin olar - qolaısyz qarsylas. Eki qurama buǵan deıin bir-birimen alty oıyn ótkizgen.
Onyń ekeýi teń nátıjemen aıaqtalsa, qalǵanynda belarýster jeńiske jetken edi.
Oǵan qosa týrnır kestesinde qazaqstandyq fýtbolshylar kósh bastap tursa, Belarýs quramasy nebári eki upaımen tórtinshi orynda kele jatqan bolatyn.
Aıta ketsek, búgin qazaqstandyq fýtbolshylar jeńiske jetse, quramasy aldaǵy maýsymdaǵy Ulttar Lıgasynda V dıvızıonynda Eýropanyń aldyńǵy qatarly quramalarymen synǵa túsýge múmkindik alady.
Oǵan qosa 2024 jylǵy Eýropa Chempıonatynyń irikteý oıyndaryna qatysýyna jol ashylatyn.
Osyndaı sebepterge baılanysty kezdesý tartysty bastaldy. Eki qurama alǵa qaraı umtyldy.
Degenmen oıynnyń biraz bóligine deıin tablodaǵy esep ózgergen joq. Kezdesýdiń 29-mınýtynda qazaqstandyq Mıhaıl Gabyshev esep ashty.
Budan keıin de qazaqstandyq fýtbolshylardyń esep ashatyn birneshe múmkindigi boldy. Degenmen ony paıdalana alǵan joq.
Al 45-mınýtta belarýs fýtbolshysy Pavel Savıskıı tarazy basyn teńestirdi.
Ekinshi kezeńniń 79-mınýtynda qazaqstandyq Baktıór Zaınýtdınov gol soqty.
Osylaısha Qazaqstan qarsylasyn 2:1 esebimen jeńdi.
Nátıjesinde aldaǵy maýsymda V lıgasynda oınaýǵa múmkindik aldy. Qazaqstandyq fýtbolshylar Belarýske qarsy jeti oıynǵa sozylǵan sátsizdikter serıasyn osylaısha buzdy.
Endi Qazaqstan quramasy 25 qyrkúıekte syrt alańda Ázerbaıjanmen kezdesedi.
Aıta ketsek, qazaqstandyq fýtbolshylar S lıgasy úshinshi tobynda synǵa túsedi. Qarsylastary - Belarýs, Ázerbaıjan men Slovakıa.