Shańdy daýyl, jaýyn - jumaǵa arnalǵan aýa raıy boljamy
Qazgıdromet 23 qyrkúıekke arnalǵan aýa raıy boljamyn jarıalady, dep habarlaıdy Almaty-akshamy.kz.
QR aýmaǵynyń basym bóligi áli de aýqymdy antısıklonnyń yqpalynda bolǵandyqtan, jaýyn-shashynsyz aýa raıy saqtalady.
Atmosferalyq fronttaldy bólikterdiń ótýine baılanysty elimizdiń batysynda, ońtústik-shyǵysynda naızaǵaıly jańbyr jaýady. Respýblıka boıynsha jeldiń kúsheıýi, ońtústik jáne ońtústik-batysta shańdy daýyl kútiledi.
Qyzylorda, Túrkistan, Jambyl oblystarynyń basym bóliginde, Aqtóbe oblysynyń ońtústiginde, shyǵysynda, Abaı oblysynyń soltústik-batysynda, soltústiginde, shyǵysynda, Pavlodar oblysynyń ortalyǵynda, Qaraǵandy oblysynyń shyǵys jartysynda, Ulytaý oblysynyń ońtústiginde, shyǵysynda tótenshe órt qaýpi saqtalady.
Qostanaı Almat oblystarynyń basym bóliginde joǵary órt qaýpi boıynsha eskertý jarıalandy.