4–14 sáýir aralyǵynda Serbıanyń Zlatıbor qalasynda ótken ISF U-15 Jazǵy mektep gımnazıadasynda Qazaqstan quramasy tarıhı jetistikke qol jetkizdi – jas sportshylarymyz 11 medal jeńip aldy, dep habarlaıdy aqshamnews.kz.
ISF U-15 — 13 pen 15 jas aralyǵyndaǵy mektep oqýshylaryna arnalǵan álemdegi eń iri halyqaralyq sporttyq doda. Bıylǵy jarysqa 65-ten astam elden 3000-ǵa jýyq qatysýshy jınaldy.
Oqý-aǵartý mınıstrligi málimetinshe, Qazaqstan quramasynyń sapynda el namysyn 23 oqýshy qorǵady. Olar respýblıkalyq irikteýden ótip, dzúdo, erkin kúres, boks jáne shahmat sekildi tórt sport túrinen synǵa tústi.
Boks jarysynda Aıbek Sadyq, Shyńǵysqan Makarov, Nurtas Alımbaı, Saılaýqazy Symbat jáne Nurbolat Ámir altyn júldeni jeńip aldy. Al Alıhan Smaǵul qola medal ıegeri atandy.
Dzúdo boıynsha Baqdáýlet Serikáli altyn júldeni qanjyǵalasa, Erasyl Qalmahanbet qola medal aldy.
Erkin kúreste de otandastarymyz tabandylyq tanytty: Vısqan Arashov kúmis, Mansur Aqylbaı men Nurqoja Qalybek qola júlde jeńip aldy.
Shahmat jarysynda Oltınaı Alǵapparova men Janat Nurym joǵary deńgeıdegi sporttyq mádenıetti kórsetip, ádil oıyn qaǵıdalaryn ustanǵany úshin Halyqaralyq adal oıyn komıtetiniń arnaıy marapatyna ıe boldy.
Aıta keteıik, Qazaqstan bul bedeldi jarysqa 2022 jyldan bastap qatysyp keledi. Az ǵana ýaqyt ishinde elimizdiń jasóspirimder quramasy halyqaralyq arenada bolashaǵynan zor úmit kúttiretin komanda retinde moıyndaldy.