Ózbekstanda er adamǵy baý-baqsha aǵashynyń kóshetin «halal» logotıpimen (belgisimen) satqany úshin aıyppul salyndy.
Bul jaıynda aqshamnews.kz islam.kz portalyna silteme jasaı otyryp málim etedi.
Kásipker osyndaı aılaly , dáliregi, «halal» atyn jamylyp, paıda tabýdy kózdegen. Ol «Halolmevali ko‘chatlar» («Halal jemis kóshetteri») degen brendpen óz ónimderin tutynýshyǵa tyqpalaǵan eken. Onyń bul qýlyǵyna básekelestikti damytý jáne tutynýshylar quqyǵyn qorǵaý jónindegi komıtet nazar aýdaryp, shyndyqqa janaspaıtyn aqparat túrinde jarmana taratqany úshin kásipkerge shara qoldandy.
Osy oraıda Ózbekstanda din isteri komıtetiniń tujyrymyna sáıkes «halal» sózi nemese tıisti «Halol» sertıfıkaty tek qana azyq-túlik taýarlaryna, onyń ózinde olardy daıyndaý, býyp-túıý, saqtaý jáne tasymaldaý bóliginde qoldanylatynyn aıta ketpekpiz. Bul termındi basqa ónimderdi jarnamalaý kezinde, ásirese, tıisti sertıfıkattaýsyz qoldanýǵa jol berilmeıdi. Kásipker ákimshilik jaýapkershilikke tartyldy, sondaı-aq, ol áleýmettik jelilerdegi akkaýntarynyń ataýyn ózgertýge mindetteldi.