Mınıstrliktiń habarlaýynsha, taraptar birlesken óndiris qurý men tehnologıalar transfertin qurý múmkindikterin talqylady.

Sondaı-aq eki el Qazaqstan men TAI kompanıasy arasyndaǵy yntymaqtastyq perspektıvalary, sonyń ishinde kompanıanyń mashına jasaý, ónerkásip jáne aeroǵarysh salasyndaǵy jobalarǵa qatysýy jaıy sóz boldy.

Qazaqstan Premer-Mınıstriniń orynbasary – Syrtqy ister mınıstri Muhtar Tileýberdi Turkish Aerospace Industries (TAI) aeroǵarysh jáne qorǵanys-ónerkásip kompanıasynyń bas dırektory Temel Kotılmen kezdesý ótkizdi, dep habarlaıdy Almaty-akshamy.kz QR SİM baspasóz qyzmetine silteme jasap.

Temel Kotıl birlesken ınvestısıalyq jobalardy júzege asyrý múmkindigin atap ótip, ekijaqty yntymaqtastyqqa qyzyǵýshylyǵyn bildirdi.
Kezdesý qorytyndysy boıynsha jemisti yntymaqtastyqty jalǵastyrý týraly ýaǵdalastyqqa qol jetkizildi.

TAI  ózindik ıntegrasıalanǵan júıelerdi jobalaýmen, ázirleýmen jáne óndirýmen aınalysatyn jetekshi túrik aeroǵaryshtyq kompanıasy bolyp tabylady.

Kompanıa biregeı jabdyqtyń iri halyqaralyq óndirýshiler úshin óndiristik alań bolyp tabylady jáne 5 negizgi bıznes-segmentterde jumys isteıdi: ushaqtar, tikushaqtar, pılotsyz ushý apparattary, ǵarysh júıeleri, aeroqurylymdar.