Krımınaldyq polısıanyń málimetinshe, 27 jastaǵy M.esimdi azamat zańsyz is-áreketin qalanyń Túrksib aýdanynda ornalasqan óz úıinde jasaǵan.
Urlanǵan telefondardyń IMEI kodtaryn buzǵan programmısti Almaty polısıa ustady, – dep habarlaıdy Almaty-akshamy.kz Polisia.kz saıtyna silteme jasap.
«Kúdiktiniń turǵylyqty jerin ruqsat etilgen tintý kezinde 42 qoldanylǵan uıaly telefondar, noýtbýk, eki planshet jáne bir jeke kompúter tabyldy jáne tárkilendi, olardyń kómegimen kúdikti abonenttik qurylǵynyń sáıkestendirý kodtaryn (IMEI) ózgertti. Sonymen qatar, qaskúnem óziniń qylmystyq maqsatyn júzege asyrý úshin arnaıy kompúterlik baǵdarlamany qoldanǵany anyqtaldy. Ustalǵan adamnyń is-áreketi QR QK-niń 213-babyna sáıkes kvalıfıkasıalanǵan. Tárkilengen sandyq qurylǵylardyń shyn ıelerin anyqtaý boıynsha jedel is-sharalar qabyldanýda», – dedi Almaty qalalyq Polısıa departamenti bastyǵynyń orynbasary Berik Ábilbekov.