Osy kezge deıin qalamyzda vaksınanyń tolyq dozasyn 313 491 adam alǵan. Almatynyń ózge óńirlerge qaraǵanda, ekpe saldyrýdan alda turǵanyn buryn da habarlaǵanbyz.
Bul týraly aqparat bergen qalalyq qoǵamdyq densaýlyq saqtaý basqarmasynyń málimeti boıynsha, vaksına alǵandardyń ishinde 60 jastan asqan qart kisilerdiń sany - 81 202, dep habarlaıdy Almaty-akshamy.kz
«2 shilde kúni 15 292 almatylyq vaksına saldyrdy. Bıylǵy jyldyń 1 aqpany men 2 shildesi aralyǵynda qalada vaksınanyń tolyq dozasyn 313 491 adam aldy», - dep habarlady basqarma.
Qalada 211 pýnkt jumys istep tur. 1 257 adamnan turatyn 304 egý brıgadasy bar. Sonymen qatar, 40 kóshpeli mobıldi brıgada uıymdastyryldy.
«Qazirgi medısınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaksınalaý pýnkti jumys isteıdi», - delingen densaýlyq saqtaý basqarmasynyń baspasóz qyzmeti taratqan habarlamada.