Alqabılerdiń qaraýyna beriletin isterdiń sany artady.
Májilis qabyrǵasynda atalmysh quqyqtyq ınstıtýtty jetildirýge baǵyttalǵan ózgerister birinshi oqylymda maquldandy, dep habarlaıdy Almaty-akshamy.kz 24.kz-ke silteme jasap.
Zań jobasyna sáıkes endi alqabıler sotynda sheshimdi sýdıanyń qatysýynsyz 11 alqabı qabyldaı alady. Al sotqa jetken is prokýrorǵa «qaıta tergeý» úshin qaıtarylmaıdy. Bul quqyq qorǵaý organdaryna qylmystyq istiń kem-ketigin jamap-jasqaýǵa múmkindik bermeıdi. Zań jobasynda, sondaı-aq, kásipkerlerdiń quqyqtaryn qorǵaý sharalary kúsheıtilgen. Endi bıznes ıelerin qylmystyq qýdalaý sheńberine negizsiz tartýǵa jol berilmeıdi.
«Biz kásipkerlerdiń quqyqtaryn qorǵaý boıynsha naqty usynystardy jasadyq. Onyń ishinde, mysaly quqyq qorǵaý organdary qylmystyq isti tikeleı qozǵaı almaıdy. Tek qana naqty bir árekettiń nátıjesinde ekonomıkalyq shyǵyn, zıan keltirgeni dáleldengen bolsa, osy qujattyń negizinde ǵana qylmystyq is qozǵalýy múmkin», - deıdi QR Ádilet mınıstri Azamat Esqaraev.